港男狼批航空公司無服務 反被罵「西客」

日前一名港男在Facebook群組「航空膳食藝術坊 Art Home of Aviation Catering」發文，表示自己日前乘搭航班的商務艙由香港飛往大阪關西機場，他稱自己雖然並非「頭嗰批上機」，不過登機後卻沒有迎賓飲料，亦沒有空中服務員迎接他；其後派餐時，他吃完主菜後覺得不夠飽，要求空中服務員額外再給1份餐點，卻嫌餐點「煮過龍」有些硬；吃完芝士後又再要求另外給予雙份芝士，空中服務員亦有照樣提供，不過這位港男就不太滿意，發文指「成程機服務就無乜」，惹來網民關注反罵樓主。

帖文留言都一面倒批評樓主是「西客」，又直言「你都幾貪心」、「派餐唔係服務咩？餵埋你食好唔好，呢啲咪叫貪得無厭」、「啲Crew（機組人員）肯畀第二份餐你，又畀第二份芝士你都叫無服務，其實大可以話無晒」、「淨係會挑剔嘅人，無論有咩服務，有幾多個餐，幾多份芝士都係唔會識感恩」、「牛扒你估即刻煎畀你？放喺個烤爐咁耐，緊係Overcooked」、「畀你坐First（頭等艙）咪要Captain（機長）服侍先叫有服務」、「使少少錢就好似要人哋跪地斟茶畀佢」。

根據該航空公司的網頁所提供的資料顯示，由香港國際機場飛往日本關西機場，全程需時約3小時45分鐘，有網民就計算並列舉空中服務員在飛行中的各項準備和工作，再加上需要照顧及服務其他乘客，其實樓主待遇已經很好，又指「唔計飛機升降，得返2個半鐘，Serve 42個客，2-3個Cabin crew，算係咁㗎喇」，同時反問樓主「2-3個鐘食咗兩個主菜，兩份芝士，其實要咩Services？」。