撰文：AY｜資料來源：中伏飲食報料區FB截圖｜圖片來源：FB截圖
港男公審自助餐食客 一次掃走6隻鮑魚！
有港男在Facebook群組中發文，指自己去5星酒店吃自助餐，遇到前面排隊的食客「瘋狂掃鮑魚龍蝦」，並強調當時大排長龍，還拍下他們夾了5、6隻鮑魚的相片，分享到社交網上，問大家覺得這個行為是否正常。
我先講明，我開post原意想聽下大家意見，我唔影樣係因為我唔係針對佢地，想知普遍網民價值觀點睇
話說小弟依家喺某五星酒店食緊飯，排緊隊拎野食，咁前面有一個3中既女士加一個60左右既男人瘋狂掃鮑魚龍蝦，龍蝦果部份我影唔到，鮑魚就如圖每人掃六隻，而後面條龍都幾長，咁對於呢個行為，大家覺得係咪正常？
網民：跪求數量上限 驚下次畀你影我相！
不少網民認為酒店自助餐是主打無限量供應食物，當時亦無限制食客取用的數量，表示「只關心酒店會否refill龍蝦同鮑魚，如果唔會，咁sorry，呢間酒店我會落黑名單」、「拎咗食晒就得啦，如果唔係做咩要食buffet」，亦有人笑言「有鮑魚唔食，唔通走去食6個餐包咩！」、「食炒飯使唔使數住拎幾多粒」、「拎幾多先正常？正常數量由你定？」，指樓主才是「不正常」！
樓主以買奶粉做比喻 指港人「雙重標準」！
樓主似乎不忿氣，再用大陸人來香港買奶粉做比喻，再問網民是否「有俾錢，飲得晒就無問題」，指香港人「雙重標準」！
不過網民卻指兩者性質不同，奶粉是有限量供應，而自助餐是無限供應，不能直接比較。
亦有網民指這件事並無對錯之分，食客只是拿取想要的份量。大家又認為誰是誰非？
