港爸教仔「讀好啲書」免淪落揸的士做低下層司機當場自揭收入車廂頓時靜了

由小到大爸媽都教導做人要謙卑，不要「狗眼看人低」。近日有的士司機於網上發帖文分享一個親身見聞，他接載了一家三口到豪宅區，而坐在後座的港爸借的士司機「過橋」，希望兒子努力讀書，他日出人頭地，但卻被司機的回答震驚了，帖文更令網民大笑港爸「狗眼看人低」。

住豪宅港爸借的士司機教仔　稱要好好讀書勿做低下層

的士司機載了一家三口往豪宅區，港爸一上車就不斷鬧仔：「唔生性唔上進，20幾歲一啲成績都無」，可能鬧到詞窮的關係，就地取材，「你一係唔好再讀書喇，去揸的士啦！」兒子反問：「揸的士好失禮咩？」港爸就將對的士司機是社會底下層的聯想表露無遺：「唔係失禮，不過日日揸10幾個鐘，搵得又唔多，隨時周身病痛，做埋唔夠睇醫生！唔信你問吓師傅，有得選擇佢會選擇坐辦公室定揸的士？你想住豪宅定劏房？你係唔係一定要做底下層先開心？」又直接地邀的士司機加入：「講句公道說話，等佢知道社會幾慘！師傅你一個月搵幾多？」

港爸教仔的士司機載了一家三口往豪宅區，港爸一上車就不斷鬧仔：「唔生性唔上進，20幾歲一啲成績都無」示意圖，非當事人） — 的士司機載了一家三口往豪宅區，港爸一上車就不斷鬧仔：「唔生性唔上進，20幾歲一啲成績都無」（示意圖，非當事人）（圖片來源：Netflix《社內相親》截圖）

港爸教仔港爸對的士司機是社會底下層的聯想表露無遺示意圖） — 港爸對的士司機是社會底下層的聯想表露無遺（示意圖）（圖片來源：unsplash@kcky22）

司機月入5萬算少　即令父子懷疑人生

的士司機淡然透露，不計其他入息月入約18萬左右，港爸頓時被嚇窒：「揸的士有咁好搵咩？」的士司機續道：「揸的士最多都係搵5萬一個月，其他收入係收租，加加埋埋年薪大概250萬左右，不過同你比較應該差好遠，所以唔敢講！」兒子即時踢爆父親年薪不夠50萬，司機連隨表示自己只揸的士有70萬。港爸再次質疑揸的士無可能月入5萬，司機補充：「有啲7萬一個月大有人在，我都唔敢同人講自己搵幾多！」

港爸教仔的士司機淡然透露，不計其他入息月入約18萬左右示意圖，非當事人） — 的士司機淡然透露，不計其他入息月入約18萬左右（示意圖，非當事人）（圖片來源：TVB《降魔的》截圖）

港爸教仔兒子反問：「老豆，咁我讀咁多書仲乜？」示意圖，非當事人） — 兒子反問：「老豆，咁我讀咁多書仲乜？」（示意圖，非當事人）（圖片來源：TVB《降魔的》截圖）

的士世家窮得只有錢

港爸為之語塞，兒子反問：「咁我讀咁多書做乜？」司機協助教仔續道：「邊個做父母都希望自己兒女可以出人頭地啦！讀書始終係好事！」司機自小沒有好好讀書才要幫父親打理的士業務，「其實想讀，不過屋企太窮，窮到剩係得返啲錢，又有咁多的士要處理，老豆好早已經要我幫手管理，所以無得讀書，所以見你爸爸勸你讀書好感動，我老豆剩係識比錢我咋，一啲父愛都無。」港爸反問：「師傅，你真係咁有錢仲揸的士做乜？」司機表示屋企太多的士無人揸：「唔做的士做咩呀？」

港爸教仔司機表示屋企太多的士無人揸：「唔做的士做咩呀？」示意圖，非當事人） — 司機表示屋企太多的士無人揸：「唔做的士做咩呀？」（示意圖，非當事人）（圖片來源：unsplash@cheungyin）

網民拍手叫好：啲X客狗眼看人低

帖文一出，引來一眾同行為該司機教訓了港爸拍掌讚好，「啲X客狗眼看人低」、「呢啲富人，睇少人，行行有狀元，唔好用錢去量度其他人成就」、「個重點係唔應該踩別人來抬高自己，仲要係陌生人。」有網民對揸的士月入5萬的可能性七嘴八舌，「一個月搵5至7萬大有人在，自己做唔到唔代表人哋做唔到」、「自己車的話，其實搵5萬個月真係好簡單」，該司機亦回應「（是）事實」。另外有網民直指該司機「吹得就吹」、「應該揾你做编劇老總」。