港媽街上怒罵幼稚園兒講粗口遭一句反駁
有網民在 Facebook專頁「生仔要考牌系列」投稿，分享指有日看到有位港媽，拖著幼稚園兒子，並大聲責罵他：「你個死衰仔，你老母我咩面都無X晒，你做乜X嘢學人講粗口？」當時兒子大感無奈，並一句反駁：「X，我無呀！」該位港媽聽到之後更生氣，再爆粗質問男童：「你又講！邊X個教你㗎？係咪同學教你？」
港媽質疑兒子再三說謊
幼稚園兒子多番否認，但港媽「火遮眼」懶理，在街上繼續大聲責備兒子「講粗口」一事，又指自己收到老師投訴令她無面，並質疑兒子再三說謊。兩母子的對話引來不少注目，而在旁觀察的樓主心底裡很想為男童說話，「問邊個教佢講粗口嗰陣，我想答『咪媽媽你囉！』」，但樓主為免尷尬、不便作聲而不了了之。
網民笑稱港媽其身不正
帖文引來不少網民討論，有網民留言「自己係咁講，鬧個仔邊到學」、「虎，我至x憎人講粗口」，笑言港媽忘記了自己其身不正的問題，或者早已把「粗口」融入自己的生活裡。另外有網民分享另一則相似的趣事，「有個家長平時好唔避諱喺小朋友面前講粗口，有次小朋友打機消滅咗敵人後講咗句『yeah！死X咗』，家長話『玩咩遊戲玩到講唔好嘅說話？唔准再玩！』，小朋友無得玩得好無辜，錯不在個遊戲」，認為家長不應該因為「粗口」而責備男童。
