港媽與子同樂整蛋糕 怪獸家長斥責危險
近日有港媽在 Facebook 專頁「生仔要考牌系列」投稿，分享她與其他家長在媽媽群內的對話，她透露由K2開始已經教兒子做家務，「基本嘅摺衫、收衫、晾衫、掃地、收碗、洗碗等等」，希望可以養成良好習慣。有次，她在媽媽群裡分享與兒子一起製作蛋糕的照片，相中可見兒子幫忙「篩麵粉」、「將生果切粒」，但卻惹來其他家長，質疑「咁細個俾小朋友篩麵粉，會搞到佢肺有事喎」、「咁早俾佢拎刀，遲早會隊親佢呀」。
港媽3句反擊：仲鈍過你棚牙呀！
事後港媽感到十分無奈，並反駁指「大佬呀！唔好咁痴線啦，我一個月先同佢整一兩次甜品，又唔係次次都會用到麵粉」、「出街夠多塵，你唔困住個細路喺屋企？」她又笑言兒子所用的是「兒童專用塑膠刀」、「仲鈍過你棚牙」，指出即使幫忙切粒都不會造成傷害。
培養做家務習慣遭狠批 港媽再用2句反擊
除此之外港媽又指出，有家長反駁她讓兒子做家務的育兒方式，小學已經咁多功課，仲教佢做家務，做死佢呀」。不過，港媽再反斥一班怪獸家長並非全部家務由兒子負責，只會要求他晚飯後幫忙收拾碗碟、收拾自己衣物、放假幫忙掃地等，「每人負責少少好過分咩」，認為從小養成做家務習慣沒有問題，也認為兒子長大後「仲會唔會聽你支笛？」。
她又諷刺指出，「小朋友多功課，咁係咪一年365日都咁忙？咁多功課又忙，你仲帶小朋友學興趣班？」、「難道只有興趣班先係有益，做家務會累死個仔？」。她後來也補充指兒子做家務的時間，比他上興趣班少很多。