港女去迪士尼不愉快經歷 小小世界船上被小朋友扯頭髮
早前一名香港女生以「真係唔該啲家長帶得小朋友出去玩就睇實佢」為題在香港討論區的「子女教育」專區開post，內文分享了自己在迪士尼樂園遊玩的不愉快經歷。樓主提到自己在迪士尼樂園坐「小小世界」的小船時，身後的兩個小朋友已經開始「嘈」，但樓主與好友因為想專注欣賞小小世界內的擺設而未有理會，直到後來feel到「有嘢扯住」自己的頭髮，本以為是頭髮「攝」入衣服，豈料原來是後座的兩位小朋友正在扯她的頭髮。
港媽專注玩手機漠視女兒行為 樓主：真係忍無可忍
樓主與好友發現後座兩位小朋友的「惡行」後故意轉身望向小朋友及其家長，惟小朋友僅在「被望」後停手約兩分鐘，隨即又故態復萌，更變本加厲開始扯樓主好友的頭髮，令樓主不禁高呼「真係忍無可忍」！而小朋友的媽媽全程則只顧著玩手機，隨便跟子女說了一句「唔好搞人地啦」之後便繼續投入電話的世界，完全沒有理會自己的子女是否正在騷擾他人。
無禮行為惹網民公憤 狠批「無家教」！
樓主分享的經歷引網民熱烈討論，有網民認為樓主去「小朋友世界」玩就應該預料到會有相關問題，不過大部份網民則因小朋友媽媽只顧玩手機而無視子女的無禮行為感到憤怒，狠批「無家教」、「佢自己本身都係港孩」，更直指部份家長「只係識生」，生出來後又不加以教育，嚴重影響下一代。
網民建議：講句唔好意思再話返仔女就夠
網民認真提議： 「其實父母只要講句唔好意思，再話下仔女，人哋就唔會咁嬲」、「講真個細路平時唔聽話就咪帶出街啦」； 網民笑指：「我會扯返佢老母頭髮，然後講聲，係我阿嫲眼中我仲係小朋友黎，體諒下我」、「畀著我係阿媽，教一次唔聽？ok！即刻返屋企剃晒佢啲頭髮」、「以後唔畀去迪士尼」、「叫個港女扮返細路，扯佢老母啲頭髮，反正無規定幾多歲先準扯」等。
