情侶想展開同居生活 男方提出「想邀請妹妹同住」
事主表示與男友一起差不多一年，雙方都有意展開同居生活，但由於男友父母早逝，留下兩兄妹相依為命，故此男友表示想邀請妹妹一起同住。事主知道男友對他妹妹十分好，不願拋下妹妹一人，而且男友的收入亦足以租到一個3人單位。事主十分欣賞他愛錫妹妹這一點，但同時亦感到為難，欲想過二人世界是否應該要先幫妹妹找個男朋友。
網民不看好三人同住：一定起磨擦
而帖文出街後引起網民熱烈的討論，大家都意見兩極，有人認為港女應該要拒絕，表示「相見好同住難」，三人同居日後必定有很多磨擦，即使事主與妹妹談得來，不代表以後同住可以相處融洽，他日假如雙方吵架，男朋友未必會站在事主一邊，勸她三思：「理解個男仔 但我接受唔到」、「預左做亞四」、「一個係多年來相依為命概親阿妹, 一個只係拍左一年幾概女人, 唔答應就真係等分手啦, 一係唔好同居囉」、「本身情侶同居已經會有好多問題，點樣3人一齊住」
亦有網民認為事件好容易解決，其實不用把事件想得太複雜：「睇你點包裝件事， 『同居』就梗係唔可以多個人啦…哥同妹住，邀埋女友來住又唔同」、「好簡單，女友入住兄妹家即可…不用另租啦…」、「唔好，最好放低幾件衫同啲日用品，得閒過去訓～」、「其實兩兄妹已經相依為命，一定已經一齊住緊，咪去佢屋企過多幾晚夜，試下相唔相處到」甚至有網民認為這只有男友想拒絕同居的藉口：「其實唔想同居揾個藉口，唔係咁都聽唔明呀？」。
有網民表示兄妹感情好：讓一切順其自然
有網民認為事主男友顧家又負責任好男人，要好好珍惜，亦有網民表示其兩兄妹一直相依為命，不要強於拆散他們，一切順其自然就可以，亦表示找男朋友是妹妹的私事，無須為她介紹或擔心。
