港女孭「小CK袋」成最新擇偶條件?　港男：一齊捱M記已out

近日在連登討論區上有網民以「真係好羨慕啲男人有個用CHARLES & KEITH嘅女朋友」為題，認為她們平平地收幾百蚊的袋就滿足，為男士的荷包着想，不追求物質、 知足，最緊要兩個人開開心心，他又直指花買名牌袋的女性會為求面子而揸乾另一半的荷包，不過網民就不太同意。

港男：用名牌袋嘅港女唔要都罷

樓主在帖文中指出：「要名牌手袋先顯到身價，又唔可以衰俾啲姊妹睇，一季幾萬蚊換個袋，幾年就幾十萬，淨係手袋咋！」、「唔好同我講靚女自然會有人送，男人送得一定有企圖，但係佢又受，即係點呀？即係個女仔俾送禮嗰條仔預約做愛呀！呢啲女講真要唔要都罷」等。反之，「小CK」幾百蚊就買到開心，不追求名利。

網民：自己買畀自己有咩問題

網民認為用自己錢買袋沒有問題：「女朋友搵7萬8萬一個月，好正經咁搵，買袋有咩問題？」、「自己買咪得，又唔使你買」、「窮男人圍爐區」、「Charles and Keith 款靚但真係用唔得耐，用幾個月就會殘左，我寧願俾貴少少買個物料好啲嘅袋，至少都用幾年」、「想知你條女買假撈俾你係咪ok，大家都係抄款」、 「你諗吓點解佢要用ck 先？貪個款靚？但個款係抄名牌抄返嚟喎，姐係班女都係buy名牌個設計啦」、「老師護士起薪都3萬，買名牌袋輕鬆啦，點解要買抄款」等。

亦有網民指：「最好條女用無印麻布袋，平靚正」、「孭住一個無用，細到裝唔到野嘅名牌，仲要成皮幾兩皮嘢，不如用布袋」等。

「小CK」來自新加坡

網民所稱的「小CK」來自新加坡，有不少手袋的價位在$300-$1,500左右，而容量偏細的「小廢包」可能$100都有交易，不過款式與大名牌都頗相似，而且用料與大品牌就差一大截。