港女推介「最好食的飛機餐」 反而引起公憤？
近日，有港女表示猶太教飛機餐獲不少網民認證為「最好食的飛機餐」，於是乘坐國泰經濟艙飛往峇里島的航班上，預訂了這個猶太教特別飛機餐，影片中可以看到該特別餐十分豐富，直言「份量比正常嘅多」，包括煙三文魚香草醬沙律、麥包、水果、橙汁、餅乾、朱古力，而主菜為雞肉雜菜印度飯，她也十分滿意該餐的份量和味道。
而該影片引起不少網民討論，有人鬧爆表示：「啲crew想鬧樓主了」、「唔係猶太人揀猶太餐，空姐最憎」，甚至有人在threads上出po公審「依啲餐係畀有宗教信仰嘅人食，唔係俾普通人為咗好食而食，試過有人order 咗話唔啱食就唔食，白白浪費咗，仲要求食返正常餐，如果你真係有宗教背景，又點會食到正常餐？」
網民力撐港女：最緊要好食！
不過亦都有人認為這班網民根本是矯枉過正，樓主有自己選擇想食的飛機餐，加上她並沒有浪費食物：「佢冇浪費食物，而且有選擇權，請問有乜問題？」、「好食過正常餐，點解唔揀？又唔使加錢」、「上網事先訂特別餐 係航空公司帶多個特別餐畀你 而唔係扣其他特別需要乘客嘅Quota 對他人利益無損失喎」、「雖然我冇食過，但為咗好食而食有咩問題，大家都係俾咁多錢，佢on demand 咁叫應該唔會有人食咗另一個有需要嘅人就冇得食㗎？」、「所以有啲航空公司，提前俾人揀餐，或者係好早階段，已經叫你揀食唔食，航空公司對分量有數得計」、「成人都可以order兒童餐啦， 無浪費食物先係重點」
飛機餐分門別類 病理餐分類更仔細
值得一提，猶太飛機餐是按照猶太教飲食規定標準製作的飛機餐，當中會見到有雙層包裝，目的是使食物可以在非猶太潔食烤箱中加熱，因此有非猶太乘客認為猶太飛機餐更乾淨，因此都會選擇食猶太飛機餐，不過由於它們的製作成本大約是標準餐食的兩倍，因此航空公司可能會額外收取更高的費用。
其實考慮到宗教背景、飲食習慣、食物敏感和疾病等因素，航空公司都會給乘客提供預訂特別餐服務，例如回教餐不含豬肉及酒精、印度餐不含牛肉和豬肉、嚴格印度素食餐不含任何動物製品和根莖類蔬菜等。病理餐分類更是十分仔細，分別有糖尿病餐、低膽固醇/低脂肪餐、無麩質餐、低乳糖餐、流質餐。
