後生女釣金龜新方法
最近有女網民在Facebook爆料，大爆現今後生女釣金龜新方法，她表示有後生女希望嫁有錢人，約6至7人合租了港島南區豪宅的貝沙灣最細單位，然後用住戶福利去會所健身室做運動，希望可以識到有錢人。
成本低回報率極高
有女網民貼上Facebook收到的訊息，內容指最近有大約6至7個後生女租了港島南區豪宅的貝沙灣，「說話有幾個（好似成6,7個）女仔想嫁有錢人，一齊合租貝沙灣一個最細嘅單位，然後個個得閒無事就落去club house做gym，仲要可以名正言順咁話自己住貝沙灣。最後全部都係成功嫁有錢人㗎，幾千蚊一個月，做gym啲衫貴極有限， 回報率勁高」。
網民：咁識做生意得唔得㗎
爆料的女網民更指「笑死，咁識做生意得唔得㗎」，更指一班後生女成本不高，買健身衫「貴極有限」，更可以名正言順指自己住豪宅，但最後全部都成功嫁有錢人，回報率極高。
網民：咁最尾如果有一個嫁唔出佢咪要自己租
不少網民紛紛留言，「應該畀返分紅你」、「但就算成功釣到，如果性格唔好，冇內涵講嘢空洞，唔係都keep唔到好耐咩？做女友同老婆唔同要求㗎喎」、「咁最尾如果有一個嫁唔出佢咪要自己租」、「認真覺得佢哋好叻好上進，點解我諗唔到」、「男士都可以用呢個方法」、「咁見家長個陣唔知條女咩料㗎咩？夾租個幾個姊妹都係租個間貝沙灣出嫁當娘家」。
