衣著打扮常成為網民熱話，有時穿著得與大眾稍有不同，即會被掛上「標奇立異」的標籤，更在網上掀起各種罵戰。早前有港女於網上發文，指香港人「一見到打扮靚少少或者化妝精緻少少嘅人，就會覺得對方係『大陸人』」，對此感到相當不滿，更提出「點解香港人對自己身分咁自豪」的問題，引起熱議。

港女稱「打扮靚少少就畀人當『大陸人』」：覺得有啲搞笑

早前有一話題在Treads上引起熱議，事關一名港女發文稱「發現好多香港人一見到打扮靚少少，加化妝精緻少少，總之同普遍香港人唔同，就會覺得人哋係大陸人」。更指自己和朋友外出時，其他人不是跟她們說普通話就是英文。

港女 內地女 港女發文稱「發現好多香港人一見到打扮靚少少，加化妝精緻少少，總之同普遍香港人唔同，就會覺得人哋係大陸人」（圖片來源：threads）
港女發文稱「發現好多香港人一見到打扮靚少少，加化妝精緻少少，總之同普遍香港人唔同，就會覺得人哋係大陸人」（圖片來源：threads）

對此，她好奇「係咪大家都默認咗香港啲女仔就應該係普通求其」，同時亦認為「大陸女生有咩問題」。事關她認為有不少內地女生都很漂亮，「妝化得好，身材又好」，而有這樣出眾的外表全因她們非常自律，但總有人看到後都會稱「靚又點，大陸妹嚟嘅」 、「一睇就知大陸人」、 「好大陸」。

港女 內地女 港女大讚內地女無論是身材還是妝容都好靚，不理解為何港人會自我感覺良好。（示意圖，非當事人）（圖片來源：小紅書）
港女大讚內地女無論是身材還是妝容都好靚，不理解為何港人會自我感覺良好。（示意圖，非當事人）（圖片來源：小紅書）

港女不滿：「請問你哋（香港人）點解對自己身份咁自豪」

面對這些言論，她稱「請問你哋（香港人）點解對自己身份咁自豪？」、「其實你有冇興趣人哋都未必會理你」、「見到人哋好唔係應該諗點學習咩？你得個地方身份自我感覺良好，然後仲有咩可以拎嚟炫耀」。

網民：香港人嘅fashion sense好悶

言論引來支持和反對兩邊意見，支持的人留言稱「明明就講得好啱，事實就係香港人嘅fashion sense好悶，而且有股優越感over大陸人」、「我完全理解你，鑲金咩，『香港人』大晒、最勁咩？ 點解唔接受大陸其實都有優秀嘅人，係啊，香港人真係巴閉」。

港女 內地女 （示意圖，非當事人）（圖片來源：Instagram@herachan）
（示意圖，非當事人）（圖片來源：Instagram@herachan）

網民反駁：「靚」同「娘」係兩個境界

而有網民反駁指發文者「又踩香港」，稱「打扮靚少少所以比人覺得係大陸人？唔係好見到呢個現象喎」、「點解會覺得人哋係大陸人就係眨低人？先入為主覺得呢個字係負面意思？」、「你單單憑人哋一句話說斷定人？人哋可能只係反應過敏，唔係睇低人」、「靚同娘係兩個境界」。不過發文者亦有回應網民，指自己並非踩香港人，只是在為「香港唔係得普通打扮」平反。

圖片來源：Threads、小紅書、Instagram@herachan