港女鬧爆$6,000半島Omakase指師傅「播毒」要求賠償 餐廳咁回應
近日在Facebook群組「香港Omakase おまかせ 關注組」中發文投訴，指18日當晚與友人一同到「釧Kushiro」中慶生，點了兩個$2,500的餐，埋單連加一約$6,000 。 事主留意到師傅全晚都在咳，指咳聲更帶有痰咳，向經理反映問題，不過經理就指是一般老人家咳，確定全公司無人病。
事主翌日發現自己染病要求餐廳退錢$6,000
聽到經理解釋後，事主的煩惱沒有解決，認為師傅不負責任：「病就唔應該繼續返工，佢哋係直接掂到食物，然後畀我哋食，真係好影響人，完全都唔理客人健康嘅餐廳」。
翌日，事主發現自己染病，令到事主成個星期返唔到工，於是要求餐廳退錢不果，並在群組中公審餐廳。
餐廳回應極貼心 有埋心意卡
餐廳亦在群組上作出以下回應：
1）我們收到陳小姐是確診者後，已經立即全店消毒，要求所有同事做快速檢測，包括你所講嘅日本師傅，並未有發現有任何確診個案。
2）本店對於客戶正面嘅批評同建議，我們樂於接受，但對於是次事件，我們始終找不到理由全數退款給貴客的原因。
3） 山口師傅有一定年紀，有時氣管敏感會出現幾聲咳嗽，因此一路以來他和全店員工都是帶着口罩去招呼客人，一直以來亦都無收過任何這方面投訴。
更貼心準備了一張心意卡，希望事主早日康復。網民大讚：「特登整張圖仲唔夠誠意？」、「幾有heart喎」 等。
網民：人哋個師傅都無病
網民就批評事主：「covid有潛伏期，應該唔會第二日就嚟料㗎喎？」、「話掂食物都會中…人哋個留言係講食物中毒，腸胃炎」、「周街都好多人中Covid， 有晒證據唔關店舖事都要賴」 、「似係佢喺潛伏期去咗餐廳播毒多啲」等。
