撰文：WM丨圖片：《BB來了》劇照，《再創世紀》劇照，《溏心風暴 》截圖，《野蠻奶奶大戰戈師奶》劇照，香港討論區丨資料來源：香港討論區｜原文刊於《新假期》
港女被男朋友媽媽無辜地打一巴 原因竟然係點錯相！？
事源事主去了男朋友屋企食飯，平時男友母親都會對事主有講有笑，十分有善，但不知為何該次食飯期間男友母親對其黑口黑面。事主男友就解釋道可能是其母親心情不好，所以事主都不敢再出聲，乖乖地吃飯。
伯母指責港女出軌 ！
到食完飯之後男友母親叫事主入廚房幫手洗豌，當一入廚房那刻男友母親就發動陷阱卡，將門關上並開始責罵事主。問事主為何下午時分拖住其他男生出街，晚上更加上到該名男生的家中作客食飯。事主就作出「不在場證據」，指自己當時在沙田上班，而男友母親是在金鐘見到事主。最後男友母親更說道：「點解釋都冇用！唔好以為換左套衫上嚟食飯就可以瞞得到我！」。
港女被怒摑 伯母大鬧：「你拖完第二個男仔唔好掂我！」
事主情急之下捉住男友母親的手想作解釋，不料對方大力甩開事主隻手，仲打了事主一巴指：「你拖完第二個男仔唔好掂我！」，而事主感到十分委屈，最後「喊出嚟」引來男朋友關注，男朋友都十分關注到底廚房中發生了什麼大戰。
伯母發現點錯相 但唔肯道歉
而男友母親就向事主娓娓道來整件事件，男友聽後都立即為女友證明不在場證據。而男友母親聽完之後都十分尷尬地笑兩聲並指：「又會咁似都有架咩…」，之後就叫兩人出去。事主之後都指：「冤枉完人地之後一句唔好意思都冇，唔通長輩真係大晒？？」。
網民替港女抱不平！
網民紛紛都為事主抱不平，認為不應該「食死貓」，要將整出事件都叫男友母親交待清楚才可以。又有網民指最重要是叫對方向自己道歉，並非長輩就一定大晒。而事主亦在之後回應指男朋友叫她不要計較，但是事主認為十分受委屈和不開心。
撰文：WM丨圖片：《BB來了》劇照，香港討論區丨資料：香港討論區
