日前有網民於Facebook群組「大圍友聯盟」 發文表示，如果家中有人不幸確診，患者及家屬又需要留在家隔離，需要人代購與運送物資到家的話，每次收費$100，並留下了聯絡電話。她其後又補充到運送物資限重10公斤，包括口水樽、藥物、消毒用品、快速測試套裝等，可以為有需要的人士服務。
有網民看到帖文後指責她在「發國難財」，做法十分不應該：「咁嘅時勢幫得就幫啦，仲收錢？」、「我要嘅嘢係唔係包買到先？」、「睇落好似好合理，但係睇返個價錢，又有啲趁火打劫嘅感覺」。
但其後就有不少網民為她抱打不平，直言收費十分合理，更可以以便宜來形容：「人哋幫你買都有染疫風險㗎」、「都係搵兩餐，你以為易賺」、「明買明賣，你情我願啫」、「你估人哋唔辛苦㗎」、「覺得貴咪繼續打畀政府條物資熱線囉，睇下物資到先定你好返先」、「好多人都想有呢啲人買物資畀佢，多謝都嚟唔切啦！仲要人哋唔使拎、唔使畀交通費嘅？」。
