撰文：CY｜圖片來源：Facebook群組「香港Staycation酒店交流谷」、TVB《愛回家之開心速遞》、Unsplash@martenbjork
港女攜友人上房 酒店職員無情趕人被鬧冇人情味 網民反應好激動
如果話有人將酒店房當朋友Grathering好去處，相信無人會覺得出奇。今次事件會成為熱話，事關有女網民話自己日前攜多於4名好友上房一聚，被酒店職員發現後無情趕走。事主於事發後即刻上網狂鬧酒店「超級掃興，一點人情味都唔畀」，加上數個嬲嬲Emoji，似乎相當大火氣！
究竟為何帶多位友人上房實在無從得知，不過網民對於事主想公審酒店的行為似乎相當火大，皆因疫情期間受香港政府政策所限，酒店範圍包括房間在內都必須緊守4人限聚令，網民齊齊鬧爆：「4人以上依家係犯法」！
精警網民留言點止一兩個，網民狂鬧「若要人不知，唔好咁低X」，仲話「原來仲有人咁無知，衝出嚟X」，鬧爆「自己違法就要人地陪你違法？」，話酒店當時應該直接報警處理作罷，不要姑息犯法行為。
有網民就感嘆既然有錢住酒店，「咁你唔畀多啲錢開兩間房？」，苦口婆心話自己之前一家人去Stayction，都要分開幾間房住，喻事主在疫情底下應該保持自律，不應該濫用酒店服務。
有網民更狂轟事主公主病發作，更狂數事主「你真係以為自己係公主？」，不過編輯翻查資料，香港政府針對酒店入住人數的措施已於上年末正式生效，各國公主亦無特權，必須嚴格遵守防疫政策。
亦有好多網民抱持「食花生」心態，紛紛留言留名等事主回應，亦有網民集氣「唔好Del Post啊」、「Cap定圖先」，不過似乎事主難頂輿論壓力，在發帖後短短24小時就迅速刪文，以免引起更大迴響。
