有港女於香港討論區以「我同男朋友講唔好送情人節禮物，佢竟然嬲左我！」為題發文，指品味不太好的男友喜歡送衣服及飾物作為禮物，每一次事主收到時即使不喜歡，也會裝作很喜歡。
事主認為：「與其收到唔中意嘅禮物，不如直接畀錢我去買鍾意嘅嘢」，所以在日前跟男友說：「今年如果想送情人節禮物畀我嘅話，不如直接折現畀我」。
男友聽後立即發脾氣，指不會做這種沒有心思的事情，又反問事主幾時開始變成只是喜歡錢。事主覺得委屈，認為初衷不是因為喜歡錢才想要現金：「咁唔通直接同男朋友講：『你啲taste好有問題，我真係唔鍾意你買比我啲衫同飾物，我又點戴出街啫！』」
事主：「男朋友為咗呢件事嬲咗我，仲話佢一定唔會畀錢我自己買」，最後事主文末指，不如帶自己去選購，至少可以選自己喜歡的。
網民認為事主用錯了方法，應該叫男朋友買指定禮物，而不是叫他送現金：「你應該選一份自己想要的禮物叫佢送比你，但吾係叫佢比現金」、「下次同佢行街時睇到你鍾意嘅，同佢講你買畀我呀」。
有人夫表示會帶同老婆一齊買：「叫佢自己搵鍾意嘅，我即場買就得，廢時送啲我自以為驚喜，結果俾咗佢驚嚇」。
更有網民留言指事主十分誇張：「折現就係收禮者可以講的說話」、「女朋友最多可以講話唔要，你做咗佢老婆先好同佢講折現喇」。
