相關文章：港夫婦裸辭移日做全職YouTuber 無錢創業叫觀眾捐錢 網民數3宗罪:想免費旅行
相關文章：移日港夫婦無錢叫觀眾課金 遭Andy哥追擊5大問題 自爆僅1情況先會返工
前同事現身揭Brian工作態度：覺得佢有啲慘
最近，一位自稱是YouTuber Brian的前同事在社交平台Threads上發表了對Brian的看法。這位前同事表示曾經食過飯，不過之後就無聯絡，是最近Brian的「課金片」在網上引起極大的爭議，才能在知道對方裸辭後移居日本，並透過Working Holiday簽證拍攝YouTube追夢。Brian的前同事對於這個情況感到「有啲感慨，亦覺得佢有啲慘。」認為裸辭移居日本需要好大勇氣，不想上班並非甚麼大問題，不過前提要有能力在其他地方賺錢養活自己；可惜Brian在沒有足夠的支持者情況下，推出沒有特別福利的會員制，才會發生這一系列的事件：「包裝又唔夠好，結果畀人話似乞。雖然課金你情我願，但$800一個月真係有啲獅子開大口」
前同事更透露Brian以往的工作態度：「Brian佢份人其實冇乜嘢，平時做事認真，對人唔差，只係今次玩得唔夠聰明。」認為對方在YouTuber頻道「去MinatoTV」與Andy哥聯合直播是個錯誤的決定，大可以自己開直播解答觀眾的問題：「去MinatoTV畀人鬧，views都係畀人賺晒」最後寄語Brian：「希望佢喺YouTube搵到條出路啦，唔好咁灰。」
相關文章：移日港夫婦冇錢拒返工被鬧爆 Brian鞠躬向觀眾道歉 仲向網民提出2大訴求!
網民直指Brian價值觀有問題：將個責任推比觀眾
前同事的一番言論引起熱議，就有網民認為Brian的行為不當，將生活費轉嫁給觀眾，且會員制內容無價值，成年人應該為自己負責，而不是將責任推給觀眾：「YouTuber 無錢都要為自己負責，而唔係將個責任推比觀眾。將心比己如果觀眾無錢brian會唔會為觀眾負責？！」、「要觀眾籌期， 即係觀眾就係你嘅老闆， 你搵老闆投資，你都要話比人聽你有咩計劃，投唔投資得過， 佢竟然話呢啲嘢唔駛同你交代」、「做事認真無用架，佢問題係連想做咩都唔知，創業創業創咩業先得架？同埋點解觀眾要資助佢創業？」、「做事認真就唔會連個計劃都無就走過去見步行步啦，就唔會幾個月就用鬼曬啲錢啦」
相關文章：嚴選Brian Luna夫妻檔10大金句！ 叫網民課金獲封「日本版何太何伯」
網民同情Brian：唔夠社會經驗咁啫
不過亦有網民同情Brian，認為他犯錯的後果過於嚴重，應該自己開直播解釋，而不是在其他頻道被批評：「經過咁多日發酵，再睇埋佢地上minatoTV，我就開始同情佢地，因為覺得佢地犯嘅錯同承受到嘅後果有點不對等，簡直同殺人放火冇分別，仲要上埋人地channel俾人教精。」、「我都覺得佢有啲慘，但佢好似每步都玩鳩自己咁。條課金片x完咪算，偏偏要上人個台公開行刑兼送流量⋯⋯ 」、「Brian應該唔係啲乜嘢大奸大惡嘅人，應該純粹少少蠢蠢地，唔夠社會經驗咁啫」、「只能夠講香港人壓力太大，有咩都踩多兩腳泄憤」
另外，有些網民質疑前同事的身份，認為這可能是假留言：「如果你本身threads冇post 過自己嘢，我直頭覺得你篇文似典型收咗錢出post 果啲！Anyway，佢都受咗應有嘅『教訓』、『對待』！」
