港女日本食Omakase 同檯5港人放飛機 侍應1句話高呼：好丟架
近日，有港女在Theads發文表示「呢一刻身為香港人真係覺得好丟架」，原來她與男友到日本熱海一家Omakase餐廳用餐，二人提前預約了晚上8點的座位，並於7點45分準時抵達。當時，餐廳師傅已開始準備前菜，共預備了7份食物擺放在座位前，不過去到8點15分，預約的另外5位客人仍未現身，樓主寫道：「跟住有staff問我地係咪香港人，之後話另外個5個未到既都係香港人，個一刻我地完全俾唔到反應…」
直到事主用餐完畢，這5位香港人依然沒有出現，也沒有任何取消預約的交代，令樓主忍不住說到：「如果有咩事黎唔到的話講聲cancel好難咩，一啲交代都冇！餐廳打電話過去都唔聽，餐廳師傅準備哂啲食材，然後呢5位香港人都飛機，真係好過份…一啲責任心都冇 」，最後事主表示預約這家餐廳是不需要訂金，5位「放飛機」的港人不但浪費食材，還浪費了廚師的心機，因此事主就為事件代道歉：「最後我地都有講『感到非常抱歉』」
在 Threads 查看
網民竟指店家有錯：存心想令人尷尬？
帖文出街後引來不少留言，就有網民將焦點轉向餐廳員工的處理方式，認為店家都有錯，質疑表示：「唔明個staff點解要同身為香港人但準時嘅客講『另外幾個香港人冇到喎』，存心想令人尷尬？」他們認為，準時到達的顧客不應被牽連，更不該被要求為他人的失約行為負責，甚至代為道歉。另一位網友補充：「其實個師傅同staff擺明係想借呢啲說話畀準時嘅香港人聽，存心突顯對比，搞亂晒心情。」
網民鬧爆港人超冇交帶 「做壞規矩」
不過亦有網民表示香港人非常冇交帶，更分享各自的經歷：「我住喺日本，啲所謂嘅朋友叫我去幫佢Book枱，用我個電話號碼去Book，Book完夠鐘佢地又咪係影都無，餐廳打來問，我都唔知點答」、「古語有云： 出門旅行，最怕太多香港人」、「唔怕得罪講句, 次次遇到d香港人都係西西地, 講野大大聲, 仲要講野又kam 又無禮貌, 即係可以隔5-6米都聽到佢地講d乜個種, 真係見到都扮唔係香港人」更有網民表示就是寫這些香港人「做壞規矩」令到現時的日本餐廳越來越難預約。
過來人分享Omakase遲大到的經歷
其中就有位網民表示曾預約Omakase後遲大到的經歷，強調自己並非故意失約，當時預約了福岡一家Omakase餐廳晚上9點的座位，但因飛機抵達後租車手續延誤，加上不熟路況，導致行程一再拖延。原本計劃放下行李後迅速出發，僅需10分鐘車程絕對趕得上，但她的女伴堅持要化妝才肯出門。
結果打開行李箱才發現化妝品忘在家中，於是匆忙到附近藥妝店臨時購買。雖然女伴化妝速度已算快，但時間已逼近8點50分，仍然未準備妥當。她試圖致電餐廳改遲半小時，卻因塞車和導航失誤一再延誤，最終將近10點才到達。她坦言自己當時「瘋狂道歉」，強調這一切純屬意外，而非有意放飛機。不少網民睇到眼火爆：「絕交未？俾我就即刻分開玩，永遠不見。」、「其實夜晚食完都睏 真心唔明有咩需要化妝先去食 天黑黑 餐廳啲燈光又唔係白燈 根本冇人會care個樣 食得omakase應該focus係食野度比較重要」、「咁care上飛機之前就應該快好全妝keep 12個鐘」
