港人參加北上3日2夜旅行團 為食飯要行40分鐘山路
近日，有網民在Facebook群組「旅行團關注組 （大灣區旅行團）」發文鬧爆導遊極度不負責，原來事主參加了前往深圳安遠3日2夜旅行團，星期日至三的成人收費為港元$599，而星期四至六的成人收費則為港元$769，當中更可以連續2晚居住在三百山溫泉度假酒店，暢遊5A級三百山風景區，不過網民就因對飲食安排方面感到不滿，因此在帖文中寫到：「要行40分鐘才可以去到一間荒廢嘅餐廳食Lunch。明明旅遊巴可以去到門口，佢可以畀我哋選擇行定唔行？但係完全冇講要行山路山樓梯…有啲公公婆婆根本行唔到！ 完全不知所謂」
帖文出街後引起不少網民討論，而旅行社負責人就以多篇千字文回應，當中的意思為旅行社不會犯如此低級的「錯誤」，指背後應該存在誤會，因為團友可以選擇步行或者搭車前往餐廳。不過事主就反擊導遊根本沒有表達清楚令大家白行一趟，情況令人難以接受。不過亦有網民列出3點為旅行團平反。
1.網民認為旅行團行程「一分錢一分貨」
有網民認為事主要求太高，3位數的旅行團而且還能住在溫泉度假酒店，已經算是不錯了，因此留言表示：「土瓜灣嗰啲一個飯盒企喺條街食，俾咗你揀行唔行，條路自己揀」、「幾百蚊團有景睇，有山行，仲有餐廳食飯，無問題喎」、「人地有心整埋繁體字錦旗」、「細個成日跟呢個團返大陸，印象中佢算係冇咁伏，幾百蚊住五星級酒店又有自助餐」、「幾百蚊純玩團又唔帶你哋去購物仲想點吖，行路都唔願行去咩旅行吖，留返在香港日日搭兩蚊車算啦」
2.旅行團寫明餐廳在風景區中
根據旅行社的宣傳單張，當中見到「桃園滋味宴」在風景區中，因此網民認為要向一段路亦不為出奇：「今次難得覺得唔係旅行社錯，間餐廳係風景區入面嘅餐廳，講到冇嘢睇行40分鐘為咗去餐廳咁，明明行程表都寫明有風景區呢個景點。風景區不嬲都係山多，行山睇風景行40分鐘直情係easy mode啦」。
3.餐廳環境乾淨整齊
事主以「荒廢」形容涉事餐廳，不過網民認為餐廳環境根本算不上荒廢，甚至說得上乾淨整齊，認為是事主太挑剔：「餐廳室內都算係咁啦，冇啦啦山中有冷氣、有裝修畀你食飯」。
旅行社負責人咁樣回應
不過亦有網民認為40分鐘山路不是所有老人家都可以承受到：「老人家其實唔太啱去要行山嘅景區，同埋行得多都唔太啱」隨後旅行社的負責人現身回應事件，表示午餐「桃源滋味宴」是於景區「桃源樂境」內的餐廳就餐，遊客可以選擇搭旅遊巴到餐廳，或者行山路到餐廳：「遊覽過程會行大約8分鐘樓梯，其餘都係平路為主，全程遊覽落來，走馬看花就30分鐘，影下相咁就40分鐘」不過最後負責人亦有為事件道歉，認為是導遊與遊客溝通不足，令大家誤會只能行40分鐘到餐廳。