1.高鐵購票系統網站名超級難記
在內地，不少人會使用「12306」的網站購買車票，為此網民就大吐苦水表示一連串數字相當難記入腦：「邊有人個網名係一串數字又冇意思，叫人點記？求其叫national rail都好過叫一串數字啦」。
2.網站系統難以辨別繁體字以及英文
隨後，事主表示自己在搜尋欄中使用繁體中文尋找目的地，不過系統辨別不了，就連使用英文亦都於事無補：「打正體中文認唔到，好！咁我打英文，啲英文唔係英文係拼音！全世界得大陸人識睇，咁你中文同英文都係得大陸人識睇咁有咩分別？」此外，事主又嬲爆表示做實名認證不是什麼大問題，但重點是明明所有資料都正確，卻不能通過驗證：「搞左勁耐明明啲資料全部啱點解認證唔到，最後研究到全部資料唔認正體字，要自己開個繁轉簡copy and paste返簡體字先認證到」
3.用Gmail收唔到驗證碼
相信不少人都擁有多於1個的電郵地址，而樓主就是其中一個，帖文他提及到高鐵購票網站需要用email接收驗證碼，不過明明跟足程序卻遲遲未能收到驗證碼：「前前後後試過5-6個 email account都唔得，最後研究到原來gmail/yahoo/hotmail係唔work ，要開個大陸163（又係數字）嘅email先搞得掂」
4.網上購票網站居然有營業時間
網上購物之所以方便是因為不受時間及地區限制，不過「12306」就有點不一樣，事主這樣說到：「我搞掂晒啲嘢準備買飛，原來佢個網站閂2330，係啊你冇聽錯，上網買飛都會閂門，想買飛唔該聽朝5點開門再買」
5.購票網站沒有足夠提示
最後，事主表示購票網站在身分認證方面，沒有足夠的提示：「認證唔到個啲佢係唔會話你知你衰咩，唔會有個message box話你邊部分出問題要改，佢只會話得定唔得，唔得嘅你自己慢慢研究」。
網民反應兩極 「個系統真係好反智」VS「係你問題」
帖文出街後，有網民認同事主的說法，表示：「搭高鐵基本上無微信或者大陸電話號碼，都係排counter算啦，但有就好方便」、「本身12306係鐵路部個電話，但外地人鬼知咩」、「深圳北英文叫Shenzhen North，佢叫 Shenzhen bei；香港英文Hong Kong佢叫Xiang Gang」、「而家售票機要入大陸電話認證，到底外國人無大陸電話點樣搭車 」不過亦有網民認為係樓主唔識用：「trip.com買咪搞掂囉」、「但我用gmail登記到…你要去垃圾郵件到先見到」、「正常係用攜程，每程俾多十零蚊就唔使用12306」、「你去日本網D漢字打繁體字都認唔到啦，本身繁體唔等於簡體。」、「其實你去德國、法國、日本，車站名都唔係用英文」。
