日前有名網民於Facebook群組「香港雪糕關注組」發文表示，他在撕開Mövenpick雲呢拿味杯裝雪糕的保鮮膠膜，並用匙羹挖開雪糕，驚覺雪糕內有大量黑色不明的黑點。他懷疑黑點的形成是因為雪糕變壞，但他查看了雪糕的最佳使用日期尚有近8個月的時間，所以他拍下雪糕與最佳使用日期，將相片上載到Facebook群組，並詢問網民：「係唔係發霉？」
一眾「香港雪糕關注組」的網民看到照片後，並不是叫他扔雪糕，反而有不少網民表示：「發霉得好嚴重，攞曬嚟幫你清咗佢地！」、「你扔畀我，我幫你食咗佢」、「係！嚴重發霉！建議樓主立刻畀晒啲雪糕我，我捱義氣幫你清理！」
最後有網民為他解釋雪糕內小黑點的來源，雪糕內大量的小黑點並不是「發霉」造成，其實小黑點的真身正是雲呢拿籽！網民為事主細心解釋那正正是Mövenpick的一大賣點，市面上不少雲呢拿雪糕都是以雲呢拿香油製作，而Mövenpick是用貨真價實的雲呢拿籽製作。網民紛紛解釋到：「雲呢拿其實唔係白色，你平時食果啲無黑點嘅大多係用雲呢拿油做，真正雲呢拿係黑色一點點，食得㗎」。但十分可惜的是，事主表示他已經在第一時間將那杯「發霉」的雪糕扔掉。
同時也有網民分享同類型的「蝦碌」經歷：「令我諗起以前公司賣法式燉蛋，試過有客寫信投訴話有鑊燶」、「想當年十幾年前食台北個查理布朗雞蛋布丁，都係第一次見呢啲黑點，以為燶咗或者污糟，之後先知原來自己未見過雲呢拿籽」。
