機場巴士行李齊齊打橫放
有網民在社交平台Threads上分享了一張照片，照片可見行李架上至少有兩張告示，明確要求乘客應垂直放置行李，但照片中的大部分行李沒未有指示垂直擺放，而是平放，這樣的擺放方式引來了不少批評和討論。
網民共鳴怒轟超自私 仲有一種放法都被鬧爆
許多網民紛紛留言分享自己的相似經歷，亦指小型行李不應放在下層，甚至有人因行李擺放問題而與人發生口角：「我上次又係咁，上巴士見到下排全撚部都係細喼，我拖住30吋放唔上去，後面又有個女仔拖住30吋喼，跟住我郁手將佢地啲細喼放上一層，有個阿姐就話做咩搞佢個喼，我勁大聲同佢講，成個行李架你用晒？細喼放上層好合理啫，跟住個阿姐冇聲出，我坐低咗，之後見到有兩個人靜雞雞雞將佢個細喼搬返上一層既架」、「仲有最憎啲人將啲 cabin size 細喼擺最低嗰層」、「一架車集合咁多無公德心嘅仆街都算壯觀」、「笑死我前晚搭都見到咁樣，仲要有啲打斜擺…我第3-4個站上車已經要放上第三排，痴線！」
網民：設計問題！
許多網民指出，部分乘客之所以不選擇垂直擺放行李，是因為這樣更難於取下：「不過好抱歉 係佢設計9 我個行李根本直唔倒，當一個女仔又重冇可能自己托上最頂俾位人用」、「唔係唔識 只係垂直難攞番落嚟咋嘛」
此外，也有人提到，偶爾會有巴士車長主動幫忙整理行李，但這並非他們的責任。一些網民呼籲，乘客應對自己的行李負責，避免給他人或司機帶來不便。
