自通關以來不少港人也會去內地消費，網上不同平台也有很多人分享自己在內地吃喝玩樂的經過。然而有網民在討論區上分享自己在深圳食8蚊人民幣（約8.71港幣）的豉油皇雞髀，聲稱「大件夾抵食」，但帖文卻被大批網民恥笑樓主零智商？

網民分享特平$8蚊豉油皇雞髀

有網民在連登討論區上以「深圳8蚊豉油皇雞髀。免智商稅」為題，分享自己到深圳用$8元人民幣（約8.71港幣）買到豉油皇雞髀，並指一隻雞髀有半隻油雞一樣大，又抽水早前連文記叉頸事件「又唔使食食下飯比人叉頸」。帖文一出即成為熱話，引起不少網民留言。

深圳 豉油皇雞髀 網民分享在深圳花$8元人民幣買約8.71港幣）豉油皇雞髀
網民分享在深圳花$8元人民幣買（約8.71港幣）豉油皇雞髀（圖片來源：討論區圖片）

樓主被嘲零智商

雖然雞髀看起來性價比的確是高，但有網民留言指，要特意上深圳一趟，代表帖主要先花$50車費到深圳，即使雞髀是值$8元，但總計要花$58.71才吃到一隻雞髀，因而被網民嘲笑「我樓下賣$12，你用50蚊來回然後慳咗3蚊，有無覺得自己好醒」、「佢個免智商稅係講緊佢冇智商所以唔洗交」、「佢一餐食廿隻咪慳左囉」、「返上去住，慳埋來回車費仲抵呀」。

深圳 豉油皇雞髀
（圖片來源： Pelicana炸雞 廣告截圖）

深圳 豉油皇雞髀 樓主一來一回總共要花58元
樓主一來一回總共要花58元（圖片來源：TVB《愛回家之開心速遞》劇照）

網民：「為慳個幾蚊洗唔洗咁」

另有網民留言指樓主雞髀附送一個完整檸檬，非常奇怪「個檸檬有咩用」、「個檸檬佢用20蚊買嘅，特別版嚟，細過一般嗰啲好多，用嚟做視覺效果嘅道具嚟」、「辟腐肉啲味掛」。有網民取笑樓主窮到要特意上深圳食雞髀：「師兄係咪爭個幾蚊開飯，有無轉數快號碼？」、「做人邊會好似樓主咁，咁慘要慳個幾蚊就周圍走」、「為慳個幾蚊洗唔洗咁」。

深圳 豉油皇雞髀 不少網民取笑樓主為了慳幾蚊食一些不知來源的肉
不少網民取笑樓主為了慳幾蚊食一些不知來源的肉（圖片來源：《男人唔可以窮》劇照）

深圳 豉油皇雞髀 又笑言自己可以捐錢給樓主
又笑言自己可以捐錢給樓主（圖片來源：《上流寄生族》劇照）

圖片來源：討論區圖片、Pelicana炸雞 廣告截圖、TVB《愛回家之開心速遞》劇照、《男人唔可以窮》劇照、《上流寄生族》劇照