港人大呻深圳食法國餐中伏！
該港人分享了自己去深圳餐廳用餐的經歷，大呻上伏。這家餐廳位於商廈的高層48樓，採取落地玻璃設計，相當開揚闊落，更有日光靚景。不過除了能看到城市景觀外，內部的裝修非常簡單，無論是餐桌、地毯或是桌椅的品質，以及小至餐廳的裝飾，都讓人感到不滿，「裝修細節唔到位，枱布唔得，地氈唔得」。
至於食物方面更時令人失望，事主表示食物質素普普通通，「牛舌唔夠腍，鵝肝太熟」，不過食物份量還算足夠。他們兩人的餐點費用高達2,000多元人民幣，這樣的價格令許多網友都感到震驚。
網民震驚：兩千幾我會喺香港食！
帖子引來眾人熱議，大家都紛紛怒轟餐廳價錢貴，「呢個價錢響泰國已經可以食到米芝蓮級數法國菜，仲要真係法國大廚整畀你食」、「好貴喎，食物賣相又麻麻，真係試過就算」、「午餐收咁嘅價錢，唔怪之得咁多空位 」、「兩千幾我會喺香港食」。而環境同樣掀起大家不滿，「檯同凳質量，私密性同空間感已經唔合格，根本無資格叫法國菜餐廳。 頂多叫做Sky Bar做埋午市 – 賣法式食品」、「個view ok 嘅，可惜d枱同櫈真係吾掂」、「優點係食得飽同光猛嘅話我唔試了。多謝分享告知」。
有眼利網民發現其中一道沙拉的食材中竟然加入了許多人不喜歡的「三色豆」，引起網民議論！網民紛紛表示「上深圳食法國菜，相片其中一盤仲要係三色豆沙律，成件事錯晒」、「花2000元吃三色豆？」，並嘲諷該餐廳如「樓下的茶餐廳」，「在私密性和空間感上都不合格，根本不應該稱作法國料理餐廳」。
