1.性價比超高的電影戲飛
消費指數低是深圳其中一個魅力，因此吸引不少港人到內地遊玩，就好像現時上映的3D電影《水行俠與失落王國》，在內地僅需人民幣19.9便能夠購買到，因此在深圳的電影票價確實低得驚人。
2.戲院內座位居然是按摩椅
對於觀眾來說，戲院的環境相當重要，當中包括椅子的舒適度，畢竟要在這裏坐上一到兩個小時不等。而深圳戲院的椅子，除了可以選擇半躺、全躺，甚至有按摩椅選擇，只要在電影開播前透過二維碼付款，附上20到$30人民幣，即可按摩兩小時。
3.沉浸式體驗
除此之外，內地有不少沉浸式體驗的電影，最近內地一套電影《一閃一閃亮星星》，總票房15.33億元人民幣，位列票房第一，因此推出「下雪場」，讓觀眾配合劇情感受浪漫的飄雪情節，雖然出現「雪崩」的搞笑畫面，不過亦有不少人受落，所以真的見仁見智
4.提供各款種類的美食
在香港戲院，觀眾可以在戲院的小食吧購買食物，主要食物為爆谷、熱狗、各款汽水等等，不過在內地就會以自助餐形式供客人選擇食物，只要附上一定的價錢就可隨意享用。
5. 可以自帶酒水
如果大家想慳錢的話亦可自備食物，由於內地戲院沒有對客人帶外來食品有所限制，因此有人帶着香檳、芝士及火腿觀賞電影，非常有情調。
網民：「唔會留港消費」VS「計返車錢時間咪又係差唔多」
帖文中，有不少網民分享自己的經歷：「大陸wechat買飛仲可以最後一刻退票」、「我今日都睇咗，用微訊搜「貓眼電影」初時睇係$19.9，後來貴少少，原來愈早買會愈平….會愈來愈漲價」、「佢哋好高招，當我同老公一坐上按摩椅無耐，佢就好似比我哋試做咗2次，覺得幾舒服，就好奇掃碼睇吓幾錢，就賺咗我哋錢啦！」、「咁搞法香港啲戲院都好難經營下去」
不過亦有網民反對表示：「鍾意平，去睇早場5-60蚊！屋企附近就有，食埋早餐都平過返大陸，使乜開post唱好大陸話平過香港」、「其實計返車錢時間咪又係差唔多，可能仲貴咗」、「其實啲港產片，大陸睇真係唔掂…cut頭cut尾 中間又會cut啲… 有幾次都睇到我有啲r頭」、「$19.9嗰啲戲院, 通常都好噏耷，又偏遠，坐得舒服要搵新商場，起碼50幾」。
