港男盤點香港A0男15大明顯特徵 讀1學校等同永遠單身
不時都會聽到有人將部分舉動與「毒男」、「好毒」等字眼掛勾，不過每個人的看法和取態均不一樣，因此大多都只會一笑置之。惟早前有港男就認真思考這個問題，更在社交平台上以「香港毒男你又中幾多項？」為題發文，當中列出15項A0男專有特徵，引來大批網民熱議！
1.行為怪異無朋友
2.成屋都氣槍，睇武打電影睇上腦，喺公眾地方打功夫
帖主指，毒男大多數鍾情儲某一類型的東西，而氣槍就是其中一種，更會因為睇戲上腦而猶如武打明星上身，當街當巷做出怪異行為。
3.未出過夜街十二點前一定要返屋企
帖主指毒男竟然與灰姑娘有相同的生活習慣，不過就未知是未出過夜街，定還是無人約他們出夜街了。
4.覺得『呼吸』一定係壞人，見到『呼吸』嘅人就想即轉身走
帖主指認為毒男普遍較單純，凡事非黑即白，就好似「呼吸一定係壞人」、「見到紋身會驚」。
5. 讀IVE或者其他有錢就讀到嘅學店
相信大批學生都無諗過會因為自己讀某一間學校，而即時被定義為A0毒男。
6.份份工做唔長，成日俾人炒or只能做保安
可能因為行為太怪異，又未能與他人相處，因此在工作上亦遇到不少困難。
7.用動漫女角色做頭像，叫啲女角色做自己老婆
相信這個是大部分人對「毒男」的認知，認為沉迷於二次元的就等同毒男。
8.有女仔對佢笑，傾多幾句就以為人哋對佢有意思
9.比人掂一掂佢隻手或者關懷佢幾句即刻鍾意人
與女仔的相處經驗較少，因此當有女仔對他們好的時候，好容易就會自作多情甚至表錯情。
10. 運動白痴
未有接觸運動，閒時鍾情留在家中自娛自樂。
11.性知識多來自高X、連X、AV
未知是否因為沒有實戰機會，因此只能在網上尋求相關知識。
12. 屋企管得好嚴幾廿歲仲當佢小朋友
可能因為大多比較天真單純，家人的擔心和顧慮都因此而變多。
13.冇車牌完全冇接觸過汽車，考都冇考過
曾經聽過有港男反問港女「自動波同棍波有咩分別」，隨後被港女大力嘲笑，可見部分人心目中男仔都應該對車有一定認識。
14.多數係龍友，成日揸支鏡四圍走
不時都會看到碼頭附近有大批「揸支鏡四圍走」的男士，拍攝一旁打卡的遊客，亦經常有所謂的「巴膠」、「鐵膠」長槍短炮地追影交通工具。
15. 樣衰但太善良熱情
最後始終還原基本步，你的樣子如何，你的日子也必如何。
港男：讀IVE先最易拍拖
眼見發文者鏗鏘有力地列出15大香港毒男特徵，其他網民亦對此議論紛紛。有網民就認同發文者的看法，直指「男人就算唔學車，但都要對車有基本認識啦」、「本人A0，身邊大量A0仔，除咗14，其他中晒」。同時又有網民指港人的接受程度遠比日本低，「日本行先過香港10年以上，覺得女人麻煩咪精神上用二次元嚟滿足」、「香港人仲係搵呢啲嘢嚟標籤冇拖拍嘅人」。不過，亦有人不滿他的言論，反擊指「運動白痴唔得、唔中意車又唔得、見人『呼吸』即走又唔得，呢3樣望落似溝仔多過溝女」、「讀IVE先最易拍拖，大把人一年幾個」、「上面講嘅我都中晒，但我一年拍幾次拖」。