殯儀業一直被視為冷門職業，不少人對於該行業的印象是人手短缺兼人工高，不過近日一個殯儀公司招聘廣告引來網民討論；事關招聘公司想請一位「全能仵工」，朝9晚6返一星期返六日工，揸靈車、抬棺材、破地獄一腳踢，而且這些只是基本技能！
紅磡殯儀月薪1萬5請「全能仵工」
近日有網民發現一則殯儀公司招聘廣告，以月薪$15,000聘請「全能仵工」，要求涵蓋靈車司機、抬棺員、破地獄等傳統職能，更須具備Adobe AI等電腦技術，令不少網民感到驚訝。有網民批評，「一份工要三份技能，仲要係厭惡性行業，人工仲咁低」。
行內人爆殯儀行業收入結構複雜：做十幾年都未必過到$20,000
有從業者於網上分享經歷，透露自己畢業後首份工作便投身「一條龍殯儀公司」，起薪為$16,000，已屬同期中較高水平，「一般入行都係$10,000左右，做十幾年都未必過到$20,000」。他指行內收入結構複雜，小費往往是主要收入來源之一，「前提係老細無cap你水」，否則辛苦得來也難有回報。
行內人爆做學徒冇人工！
行內另一個常見崗位「堂倌」則類似freelance制，以每場喪禮計酬。學徒初期甚至無薪，只有車馬費及少量利市，要待師傅「肯放人出師」方能正式接job，但也有從業者坦言：「有啲師傅唔良心，死都唔放你出師，咁你就一直做義工。」、「打風落雨都唔會停，八號波都要返工，喪禮唔會等你。晚晚做儀式做到十點，第二朝仲要天未光就去set場，基本上無私人時間。」他更提及衛生問題嚴重，「好多工具唔消毒，土工掂完屍體就四圍摸，真係要有心理準備。」他認為行業雖然學到很多實用技能，如處理文件、宗教禮儀、與家屬溝通等，「但潔癖、怕屍體、怕複雜細節嘅人真係唔啱入行。」最終他因被公司扣去$6,000利市決定離職，「積福歸積福，我返工係為搵食唔係做義工。」
殯儀行業常見崗位及待遇
| 崗位 | 內容簡介 | 收入情況 | 備註 |
|---|---|---|---|
| 禮儀師／統籌 | 安排整個喪禮流程、與主家溝通、處理文書 | $10,000 – $20,000＋小費 | 溝通能力強、要夠細心 |
| 堂倌（Freelance） | 主持儀式如破地獄、領誦、安排儀式流程 | 以場計酬，無底薪，靠利市與車馬費 | 初期學徒期可能無收入 |
| 化妝師 | 為先人化妝、穿衣、整理儀容 | 一般時薪或包場計 | 要唔怕屍體，有潔癖不建議 |
| 靈車司機 | 開車接送靈柩、安排靈車出殯路線 | 視乎公司計法，有時包多職責收入少 | 有牌照＋體力好會有優勢 |
| 雜工（土工） | 協助搬棺、場地整理、設備運送 | 時薪或按工作量計 | 工具消毒不一，體力要求高 |
圖片來源：勞工處截圖、政府新聞處
