【極品老細事蹟】極品老細事蹟多不勝數，你我老細一樣做到，要列舉出來簡直易如反掌，但論到要選出其中最極品的幾款行徑就實在不容易（皆因都好極品）。最近連登討論區有網民討論起極品老細事蹟，其中幾款簡直聞者傷心、聽者流淚，原來用PowerPoint剪片、日日粗口問候都未算離譜，有老細居然有更離譜的要求！

撰文：CY｜圖片來源：LIHKG

網民列舉瘋狂老細事蹟 用powerpoint剪片、粗口問候都未夠癲

有港人在連登討論區中以「一人一個痴X線老細事跡」為題分享極品老細事蹟，提及到自家老細「每封e-mail都要print出黎，print完要手寫Job Reference，所有嘢都要人手Mark Record」，不說還以為回到清朝。如此經歷原來未算震撼，更引來大批港人繼續分享經歷，嚇到大家腳震震！

（圖片來源：ViuTV《大叔的愛》）
（圖片來源：ViuTV《大叔的愛》）

例如有網民話「叫個做Margin Financing嘅iBanker寫 UI/UX design」、又或者「同秘書去開房拎張單比Account嬸嬸Claim公數」、還有「用PowerPoint剪片」和「瘋狂用粗口問候，又掟釘書機，踢櫃」，以上一切居然都未夠癲。

（圖片來源：PowerPoint）
（圖片來源：PowerPoint）

獲得較多網民迴響的事蹟，講起一位極品老細，由於「公司啲人做幾個月就走，啲人出出入入，有次請咗新人返嚟，老細話想請人食Welcome Lunch，到差唔多食完要畀錢時，老細話：『唔係喎，一陣你做得幾個月就走，我咪蝕晒？我都係唔請你喇』」，簡直堪稱一絕，達到無人之境。

（圖片來源：Unsplash@notethanun）
（圖片來源：Unsplash@notethanun）

亦有一宗離奇事蹟，有極品老細在員工OT到深夜1時，在社交媒體通知全體員工「聽日開八半（8:30am）」，並要求員工到達公司後要自拍並傳送上群組作證，又是一宗極品老細案例，但竟然並非獨此一個，有網民回覆指「好似我老闆」，原來如此上司比比皆是，聽到好唏噓。

（圖片來源：Unsplash@huntersrace）
（圖片來源：Unsplash@huntersrace）

亦有老細鬧人時完全抽離自我，明言「你係有料嘅話，你唔會係呢到返工」；亦有老細要求員工如未完成工作，請開OT，直到月尾有員工遞交OT Form卻震驚反問「嘩，開咁多OT嘅？」，不過無論魂不附體還是日日食火藥的老細，實在多不勝數、亦無法滅絕，各位打工仔能夠做的，或許聽編輯一句：「共勉之」。