男家一時衝動買貓B 3星期後嫌嘈欲棄養
港女日前在討論區發文，指男友母親有次經過寵物店，見到一隻非常可愛的名種異短貓B，一時衝動便把牠買回家。但因老人家身體及情緒都不太良好，暫時未能適應貓貓的加入，而因事主本身有養貓經驗，便幫忙先行照顧貓B。
經過數個月的相處後，自己及家中的大貓也非常疼愛貓B，正所謂「君子不奪人所好」，雖然相當不捨，但仍歸還貓B給男友及其家人，自己則打算購買另一隻貓。然而，當貓B回到男友家庭3星期後，男友媽便稱貓貓太嘈，打擾到休息，便想棄養，男友因此詢問事主可否接收。
男友迫事主接收 更斥事主「想拎著數」
事主一想到分離時，家中大貓「四圍搵貓B又食少左野又唔想玩咁」，相當心痛，便要求男友「唔好時要時唔要」，直斥他們當貓貓是玩物，踢來踢去。更過份是的，男友要求事主收養貓B的條件是「一係買番隻緬因貓俾佢（因為佢自己鐘意），一係就比番錢佢呀媽」，又指出事主本身也想找另一隻貓貓，既然「幫人買不如幫佢買」，大家win win，男友也願意提供折扣優惠，當貓貓是貨品出售給事主。事主聽聞大感憤怒，怒斥「佢當隻貓係玩具玩完唔要搵我執都算，仲講到唔洗full pay番佢都有我著數。」，事主即場拒絕這個涼薄要求，反被男友指責人格有問題，「話我趁佢呀媽唔想要就想free攞隻貓」，男友更講出一句「人地冇錢養仔要賣仔，唔通我見人地有需要賣就唔洗比錢」，事主聽到後即感覺心己死。
兩人吵架收場 網民：早飛早著
事主不解男友行為，又指出平時對男家大方有禮，自問也並不貪心，「買貓唔領養我都唔叫愛心爆棚」，但男友的舉動令她無法接受，質疑如果開左先例，日後她只會原價接收男友不要的所有東西；又質疑對方是否真的愛她，難以想像以後一起照顧貓貓的金錢分配，感嘆「男女之間物質嘅win win 把尺究竟係邊？」。而男友目前就因事主拒絕要求而吵架，甚至封鎖事主。
帖文一出即引起熱議，大部分網民支持事主決定，更鼓勵事主分手，「只係用半年睇清楚一個人，趁早走咪好事」；直指兩母子都有問題，「個男人裙腳仔嚟㗎」、「兩母子同樣極品，早飛早著。」；也有人指出最無辜的是貓貓，建議事主用最簡單直接的方法解決「比錢，拎貓，分手，完」，希望事主拯救貓貓「最緊要隻貓一定要跟返你」。
事主補充：曾因租樓一事起爭執
事主其後補充，男友媽曾因疫情有物業半年未有成功出租，而邀請事主及男友租住，同時方便照顧貓B，事主則以租期未滿及傢俬、裝修等問題拒絕。當時已被男友怪責「租樓d錢比人都唔比佢」，以貓B一事的相同邏輯斥責事主貪心，「唔肯win win」，令事主對男友感失望，坦言終看清對方的真面目。
