K Kwong以「加沙論」評論柳俊江離世事件 遭網民圍攻：冷血！
在柳俊江離世的當日下午，K Kwong在Facebook發帖文表示：「生命誠可貴，RIP。加沙地帶啲人都唔想放棄自己生命，你就…….」帖文引起不少迴響，網民對於此番言論感到相當不滿，除了認為對方相當涼薄，更沒有尊重死者。
為此大家留言表示：「情緒病識咁樣諗，就無情緒病啦」、「你不知道他經歷了什麼！兩件事也不應混為一談，請尊重死者。」、「講化學你就係權威，但希望你唔好用批判角度去評論呢件事，尤其係對於情緒病嘅人，建議你做下呢方面嘅功課」、「講埋啲乜嘢上帝製造生命好寶貴，難聽過粗口，再一次印證有某些宗教信仰嘅人，只識尊重自己個上帝，但永遠唔識尊重人哋，只有自己個上帝同埋自己啲弟兄姊妹先係人」、「佢日子有幾難過，只有佢自己才知道」、「你身為半個公眾人物有一定嘅影響力，係呢個時候blame the victim唔止涼薄，仲有可能令其他有輕生念頭嘅人對求助卻步。」
K女郎為K Kwong補鑊 網民：點解唔自己拆？
帖文的熱度居高不下，翌日（6/1）K Kwong再度出po補鑊，不過當中的居然是貼出其經理人「K女郎Caca 」的感想，當中寫了8大重點。
- Caca都經歷過好多心理同情緒問題，幸得身邊間斷性有朋友關心，又遇上K Kwong在身邊一直支持，以及Tim Sir 等各方的幫助。
- 因為我好熟悉K Kwong，佢係一個好有愛心，會將最好的給予身邊的人，將自己放到最後。所以對於呢個post可能有好多人都誤會咗佢的意思，但其實K Kwong只係覺得痛心和可惜，因為我哋都識柳爺。柳爺係一個有能力的人，所以K Kwong更加痛心點解佢要選擇死。情況就正如個仔死咗，個阿媽都會哭著講：「阿仔，點解你要咁傻…」
- 呢個post就正正顯現咗，人所帶出的心情，別人未必感受到他真正想表達的感受和意思，所以就會形成「批判」，而「批判」對說出感受的人又會有咩影響？大家又有無去諗過？呢個都係會造成壓力爆煲而變成情緒病的源頭？
- 希望大家能將「批判」變為「關心和了解」人背後的真正意思和感受。
- 雖然我是經理人，但對於我旗下所有的KOL我都會俾他們自由發言和做自己想做的事，如果發現有可以改進的地方，我會與他們私下溝通及了解和尊重他們的感受和想法。
- 大家都希望呢個世界有每個人都有發言的權利，討厭被「禁言」，所以同樣地，我不會行使作為K Kwong專頁管理員的權利去刪除他任何的post，但我會與他作進一步的溝通。
- 希望大家可以藉此事件，了解多啲情緒病的成因，去自省及放下批判心，多了解和關顧人的感受（就算是陌生人），大家共同努力創造有「愛」的社會。
- 大家有咩唔開心出現情緒問題，同唔到身邊人講，記得要搵幫助。
對於上述文字，並不是所有網民都收貨，有人鬧爆表示：「作為經理人駛打咁大段野咩？我教你啦，三隻字『我無錯』咪得囉」、「個post係K Kwong出，點解唔自己拆，要由K女郎解釋。博士，不如話個account被人hack咗」、「越講越衰，不如摺埋幾日先啦」、「仲要兜，即係點都覺得自己好啱，唔認有問題……」、「咁大個人都唔識人情世故，唔識講嘢。講到自己咁叻，不如讀下基礎輔導學先講嘢啦。」。