林雪減肥第一餐揀咁食 網民笑：黑暗料理
林雪近日展開減肥事業，除了在社交平台上傳在家做健腹輪及到樓下公園健身的影片，邊做邊爆粗盡顯林雪特色，令網民笑爆嘴，他亦在飲食方面下了苦功。林雪分享自己減肥後的第一餐，並表示「呢個就係午餐啦，以後餐餐都係咁」，影片中他首先從一樽腐乳拿出一塊，放到麥皮中表示「不過都唔健康架啦」，而作為當日的午餐，他率先品嚐第一口，皺著臉爆出一句「好X難食！」然後再配上溫泉蛋，吃了半個後同樣表示好難食，幸好還有腐乳，片末他望實鏡頭苦笑「希望我頂得住囉」，再咬牙切齒說「減肥減肥減肥！」看來決心非常大！
網民看到林雪分享的減肥餐笑言是黑暗料理，又指「睇到都覺得難食」。另有網民指林雪第一餐其實已經不合格，「豆腐乳不能放一個，太多了」、「碳水太多，鹽太多」、「麥皮會帶走埋啲好嘅膽固醇，唔好日日食，一星期兩次好喇」，又有網民以林雪有份飾演的電影《低俗喜劇》情節建議他「食牛歡喜，荷蘭豆炒猪嗨，好X補㗎！」
