乘客報目的地「松齡街」 司機未曾聽過
日前，有的士司機在Facebook群組 「的士司機資訊網 Taxi」發文，分享一個令人無奈的親身經歷。他表示有乘客在紅磡上的士後道：「唔該松齡街」，由於他從來沒有聽過這個街名，於是禮貌地回應：「邊區？唔好意思我未聽過」，乘客一臉驚訝地表示的士司機竟然未聽過，但也無法提供相關地區的詳情，因為乘客表示「嗰度我都唔知點叫」。
開車後至知錯地方 口音問題導致誤會
司機只好無奈地在地圖上搜尋 「松齡街」，在司機看到搜尋結果出現屯門的「松齡徑」後，向乘客確認地方名，但該名乘客聽到屯門後也沒有提出疑問，只是要求他盡快開車，並稱自己趕時間。
司機隨後開車出發往屯門，但在途中的時候，乘客突然表示自己日日搭的士都沒有經過這條路，司機於是在附近地方停車，與對方再次討論目的地確實位置。在經歷了2分鐘的對答後，司機最後才發現乘客口中的「松齡街」，原來是新蒲崗崇齡街。
網民批乘客連地區都不知 指示不清晰
雖然今次的士司機搞錯目的地，差點去錯了地方，但不少網民都認為責任出在乘客身上，批評不應該只講街名，容易混淆，並指「啲貴客講埋地區咁咪少機會錯囉」、「淨係講街名？青山道即係邊度落車？深水埗？長沙灣？荔枝角，上葵涌定荃灣……」。不過，也有網民指乘客在紅磡上車，理應聯想到是新蒲崗崇齡街，不過樓主無奈回應：「首先，要你知道並且記得原來崇普通話係讀松…」。
其他司機網民紛紛表示感同身受，「同上次條福街一樣，荃灣上車去『腎黎千』，問一大輪係咪觀塘順利村又話唔係，結果原來去『石蘺村』！」，也有司機試過聽到乘客講皇岡口岸，原來是要去黃金海岸酒店。
網民分享相關故事：去雞場！
網民分享相關故事：「有位乘客叫我行棧道，其實係繞道」、「有個內地客一上車話去『雞場』，一面無耐咁問佢即係新界農場？係邊區咩村？佢就一直話雞場雞場。唔通砵蘭街？然後個客話：『估唔到香港地方細細有咁多雞場，咁你平時去旅行用邊個雞場』，原來係講機場」； 「弼街變粥街，以前有個親戚去弼街但鄉音問題讀左油麻地碧街」、「海濱道變『喺邊度』」等。
