撰文：JY｜編輯：JA｜圖片來源：Instagram@ngklangus、《哈利波特：阿茲卡班的逃犯》、《海底奇兵》
東京奧運香港代表成廣告商寵兒！羽毛球一哥伍家朗精選5大笑話並送出口罩
愈來愈多品牌邀請香港運動員代言，早前受黑色波衫風波影響的伍家朗就是其中一位，日前有口罩品牌為他設計了羽毛球口罩，即引來不少關注，許多網民都想要同款口罩。有見及此，伍家朗提議以講笑話形式抽出5位支持者送出口罩，並指出日常生活需要更多的歡樂及笑聲。
帖子一出即引來熱烈投稿，在千挑萬選下，以下5個就是伍家朗認為最搞笑的笑話：
1. 換底褲
第二次世界大戰時期，戰況緊張，物資短缺，第十三營的軍人已經個多月沒有軍服更換。有一日長官利雲要宣布一個壞消息和一個好消息。
長官說：「先講壞消息，未來個多月仍然沒有新軍服更換。而好消息就是，今天你們可以更換底褲。」
士兵們聽了後，便傳出一陣陣歡呼聲。這可算不幸中之大幸了。
長官講完之後便大聲道：「第一排同第二排士兵對換，第三排同第四排對換，第五排同……」
2. 哈利波特
A：你記唔記得Harry Potter頭四本既中文譯名？你試下將書名既第一個字串埋？
B：1) 神秘的魔法石 2) 消失的密室 3) 阿兹卡班的逃犯 4) 鳳凰會的密令
答案係神消阿鳳？
A：答案係哈哈哈哈… (因為全部書名都係哈利波特開頭)
3. 翻叮
湯可以翻煲，菜可以翻炒，咁咩野可以翻叮？
.
.
.
.
答案係Nemo (因為Finding Nemo)
4. 手掌印
A見到B既2邊面頰都有個掌印，就問B點解俾人打，
B：頭先排隊見到有個女仔短裙邊Sip左上PatPat「la」度（屁股），咪好心幫佢掹返落來，佢就打左我一巴
A：咁都係一巴姐，點解有兩個掌印？
B：哦，我見佢咁嬲，咪幫佢Sip返上去
5. 9卡列車
火車的9卡列車中，哪一卡車廂最長？
.
.
.
答案：第5卡，因為「五卡(Ka) Long」 (伍家朗)
各位網民都熱烈地參加抽獎，連伍家朗都大讚笑話有創意，希望香港各界可以多多支持香港運動員。
