晚吹-戀講嘢｜雌雄同體網紅偽娘登上節目　大呻左右不是人

清談節目《晚吹 – 戀講嘢》是由193（郭嘉駿）、Helen（譚凱倫）、浩南（鄭伊琪）及郭奕芯主持，上集引起網上討論，因為首位跨性別人士登上節目。網紅偽娘 MC Yip 在第15集（11月30日）擔任嘉賓，大談尋找對象伴侶的困難，他更大呻左右不是人。在錄畢節目後 MC 亦有貼出同幾位主持人的合照，更大讚193「真人好正」！

文：東方新地｜圖：IG@mcyipmcwtfu、ViuTV《晚吹 – 戀講嘢》截圖｜原文刊於《東方新地》

《晚吹 – 戀講嘢》搵MC做嘉賓網友：認得佢把聲

現年26歲的MC Yip自3年前接受傳媒訪問後，開始走入網友視線，被封為跨性別人士和偽娘的代表，去年9月更曾登上節目《晚吹 – 又要威又要戴頭盔》做嘉賓，今次他再上《晚吹 – 戀講嘢》大談搵對象的辛酸，預告一出，雖然遮住個樣，但有不少網友都表示「把聲似好出名個偽娘」、「認得佢把聲」等等。

原來MC早同ViuTV有過合作，曾經上過《晚吹 - 又要威又要戴頭盔》做嘉賓，今次再上《晚吹 - 戀講嘢》，MC笑言：「準備獻醜。」（圖片來源：IG@mcyipmcwtfu） — 原來MC早同ViuTV有過合作，曾經上過《晚吹 – 又要威又要戴頭盔》做嘉賓，今次再上《晚吹 – 戀講嘢》，MC笑言：「準備獻醜。」（圖片來源：IG@mcyipmcwtfu）

雖然在預告中被遮樣，但在ViuTV節目表圖片中，亦見到無遮樣的MC出現。（圖片來源：ViuTV《晚吹 - 戀講嘢》圖片） — 雖然在預告中被遮樣，但在ViuTV節目表圖片中，亦見到無遮樣的MC出現。（圖片來源：ViuTV《晚吹 – 戀講嘢》圖片）

而在ViuTV節目表圖片中，亦見到無遮樣的MC出現，原來早前 MC 亦有在自己社交網貼出同 193 及郭奕芯的合照，透露自己獲邀上《晚吹 – 戀講嘢》做嘉賓，並留言：「係193！193 佢真係有193！拍攝順利。」又大讚：「佢真人好正！」而在節目中，193亦有讚MC「個 package 好好」。

MC在社交網晒出同193及郭奕芯的合照，又留言大讚193「真人好正」。（圖片來源：IG@mcyipmcwtfu）

193亦有讚MC「個package好好」，有不少網友都大讚MC靚過好多女仔。。（圖片來源：IG@mcyipmcwtfu） — 193都有讚MC「個package好好」，有不少網友亦大讚MC靚過好多女仔。（圖片來源：IG@mcyipmcwtfu）

代表作「原來是有J」

3年前接受傳媒訪問時，MC曾任職餐廳侍應，現在他已成為一名KOL，在社交網自稱為「#全天然零加工偽娘」一名，近年和一班朋友開設了一個「JOOMEH 做咩」YouTube頻道，其中由MC做主角的系列作「原來是有J」成為了他的代表作。此外MC在社交網不時大晒性感照，每次出po都會加上「偽娘」、「單身」、「gay」等Hashtag，獲得不少網友支持，大讚他靚過好多女仔。