早霸王｜丈夫上月腸癌病逝 港妻指他生前一直好健康
電台《早霸王》節目於上週五（11日）接獲一則感人來電。女聽眾Lina從珠海致電，並在環節「你知道唔知道有人掛住你」中表示想「我想打電話畀我老公」，主持森美問起她的經歷和故事 ，Lina嘆了一口氣後表示丈夫剛於上月病逝，森美和拍檔梁嘉琪都聞後都大表愕然。
Lina透露丈夫於去年2月在一次檢查中突然被確診腸癌，「他生活規律、熱愛運動，連外食都很少，一直都好健康，也沒有家族遺傳」，所以對診斷結果好驚訝， 難以置信誰說道「無可能囉，點解……」，這時，森美表示：「唔好咁樣諗啦，生老病死係必然，雖然我哋都希望佢喺適當時候發生，但佢從來都無所謂嘅『適當』。」
早霸王｜遺孀Lina代亡夫致電完成心願
Lina指二人從相識、拍拖到結婚一直都是《早霸王》的忠實聽眾，丈夫在生前一直想致電環節「你知道唔知道有人掛住你」，「但一直都無打」，所以遺孀Lina想代替亡夫打這個電話，替他完成這個心願。
早霸王｜七年婚姻平凡幸福 一家三口旅行成最開心回憶
森美問及她與丈夫的婚姻點滴，Lina一邊強忍悲傷和淚水，一邊回顧及講述夫婦倆的相處事，言談間充滿思念之情。她指二人結婚未夠八年，兩人2017年結婚。她指夫婦間一直相處愉快、好開心，形容與丈夫好夾 「性格、愛好相似，合得來」， 又稱讚他為人樂觀、思考正面。
二人最愛在週末到珠海的公園露營搭帳篷、野炊，也會一起看海灘、花和草地等等。除了露營外，Lina與老公也很喜歡一起去旅行，她特別提到第一次日本旅行，那次是與丈夫最開心的回憶，當時二人帶著第一個孩子同行，行程老公出差之外，還一起品嘗正宗日本料理、欣賞美麗的景色，她和丈夫都覺得整旅程都好舒服好開心，享受一家三口的溫馨時光。
早霸王｜順產變開刀 個性樂觀正面丈夫擔心到喊
談及二人的小朋友、生育時有否難忘的經歷，Lina指誕下第二胎女兒較難忘，哽咽表示「 順唔到出嚟」 ， 故此要馬上轉為剖腹產 (開刀)。
Lina指老公個性樂觀積極，「成日同我講唔使擔心啦，一定會好」，但他其後向Lina表示當時其實好驚，當看到她被推進手術室時，更在外面忍不住哭了出來。Lina飲泣承認丈夫當時是很擔心。森美同意：「 梗係喊啦，佢咁錫你，佢一定會有擔心嘅時候」 ， 幸好最後母女平安、健康。
早霸王｜病重丈夫歷18次化療仍說「冇事」
丈夫得悉確診腸癌後曾對Lina說「你唔使咁擔心啦，我一定會好返㗎」。 一年內，夫婦二人四出尋找不同醫生接受治療，接受近18次化療，且未曾說過辛苦，「佢講得最多就係『無事』、『唔使擔心』」。
森美問「你覺得佢點解要同你講唔使擔心呢？」，這時Lina忍不住再度哭泣，邊喊邊說著與病重丈夫的最後對話， 「我都唔知……佢去到最後都無同我講任何道別的說話……我問佢有無咩同我講，佢話無，（只係）佢同我講佢話佢會好返。」
當時醫生詢問Lina要不要把丈夫送往ICU，她反問醫生會提供甚麼好的治療予丈夫，醫生回答沒有，「只是搶救過程會快想點，稍為延長他的生命」，但Lina覺得毫無意義，會讓丈夫孤零零一個人留在病房中，自己也不能陪伴他。
早霸王｜森美推測亡夫臨終前沒有向Lina道別原因
森美續問「你覺得佢去到最後無話你知佢痛、辛苦嘅原因係咩呢？」，Lina回答「佢唔想我擔心」。 森美估計男方在臨終前沒有跟Lina道別或者留下其他說話，「原因都係唔想你擔心姐」，
「咁既然係咁，你倒不如聽佢一次話，唔好咁擔心，唔好再諗咁多佢離開咗啦，諗多啲佢同你喺度嘅日子，諗多啲佢同你一齊嘅所有時間啦。」
Lina哭著說「但係我好掛住佢」 ，森美認同表示「當然啦」；Lina續指「我無試過咁多日無同佢講過嘢」，森美否認表示：
「唔係呀，你每一次諗返同佢一齊露營搭帳篷、去旅行嘅時候，你都可以同佢講嘢㗎，佢都聽到㗎！你覺得佢聽唔到姐，佢（其實）聽到嘅。」
早霸王｜森美強調：你一定要畀佢喺你心入面
這時，大氣電波中不停傳來Lina的抽泣聲。森美續說：「我唔知你相唔相信，我成日都相信，佢喺你個心入面㗎」，他強調：
「你一定要畀佢喺你心入面！」
Lina透露自己和丈夫都是信主的，同樣是基督徒的森美表示「你信主嘅話，如果佢喺天國嘅話，佢同你溝通嘅方法就係『你喺心入面同佢傾計』，佢就會聽到，我哋同天國嘅溝通就係喺心入面架喇」，Lina以肯定的語氣回應了一聲「嗯」表示明白，森美再向她說「咁你唔好成日都覺得佢唔喺度先得㗎」。
早霸王｜港妻Lina透露丈夫遺憾 獲森美啟發後淚崩
Lina指丈夫生前有一個遺憾，就是一直好想夾Band擔當主唱，然後為她唱歌。不過，森美則認為這是他以前眾多遺憾的其中一個而已，
「如果你而家係咁嘅話，佢得一個遺憾，就係佢臨走之前忍住痛同辛苦，唔夠膽同你講Byebye，佢希望一樣嘢就係你要好似佢咁樂觀，開心咁帶住兩個小朋友繼續生活。喺心入面成日諗起佢，喺心入面成日同佢傾計；如果你無做到，我諗佢得呢個遺憾。」
Lina聞後即悲從中來，飲泣不斷。
早霸王｜Lina聲淚俱下向亡夫許下承諾 全場動容
森美問她有甚麼說話要跟亡夫說，Lina首先隔空呼喚亡夫的名字兩次，然後哽咽道：
「你聽唔聽到呀？我代替你打呢個電話……其實一直都等緊你喺903打呢個電話畀我，但可能你太忙喇……我估唔到係以呢種方式去打呢個電話。我希望你喺天國上面，可以做你開心嘅事情，可以做你一直想做嘅事。我哋總會有一日喺天國上面再見。」
說到這時，Lina聲淚俱下向亡夫承諾，「我會同我兩個小朋友好好咁樣生活落去……」背景隨即播放Dear Jane的歌曲《不許你注定一人 》副歌部分，令全場動容。播放的歌詞如下：
「不許你注定一人 永遠共你去抱緊
一生中百樣可能 愛上你是種緣份
簡單的一吻 手心的抖震
示意我再不必孤單寄生
只想會有日可能 與你共姓的身份
要回望這生 也有你陪襯
不作陌生人 只做你情人 不枉此生」
早霸王｜森美寄語：珍惜自己手揸住嘅愛
節目尾聲，森美鼓勵Lina要繼續勇敢向前，繼續努力。此外，他相信其丈夫已在天國中守候著太太和兩名小朋友，「佢每日都陪住你嘅。每一次你諗起佢嘅時候，佢都會喺你身邊，放心，一定喺嘅」。他又指Lina的來電，亡夫也會聽到。
森美向聽眾表示可以反思在自己人生中，「有啲愛確實係自己手揸住，而你無去好好珍惜，當對方離開嘅時候你就會後悔。咁既然你而家可以擁有佢嘅時候就好好對佢啦」。
他又希望Lina的真實故事可以令大家都感受到滿滿的愛，也非常感謝她願意分享如此真摯的愛，「因為你嘅愛才令大家更懂得愛，多謝你」。
早霸王｜網民頂唔順：喊到狗，好難講到嘢同唔喊
節目官網討論區事後湧入大量留言，很多聽眾都表示Nina的經歷令人傷感至哭起來，「今日的電話又係好傷感」、「我都喊死」、「我一邊聽，一邊嘁」、「喊到狗」、「一路聽一路喊 頂唔順」、「我一聽即喊，太傷感的事」、「好難講到嘢同唔喊」、「仲要配隻咁應境嘅歌」、「聽得出大哥好努力去安慰呢位太太，但太傷心了」、「人生無常，要更愛身邊人」。
早霸王｜Lina獲讚堅強媽媽 網民齊為她打氣：同小朋友好好生活落去
不過，更多網民都積極留言為Lina打氣，鼓勵她和兩名孩子要堅強生活下去，「媽媽同小朋友好好生活落去」、「媽媽好堅強，請好好保重，照顧自己和照顧小朋友」、「先生同太太一定愛得好深，希望呢位太太可以同回憶內嘅丈夫同存，好好面對以後日子。大家都加油」、「 希望果個媽媽加油」、「堅強生活 仲有小朋友 雖然叫人加油難聽過粗口 好好過日子」。
此外，部分聽眾估計主持梁嘉琪當時哭至講不出話來，「嘉琪一定喊到豬頭咁！」、「佢後段冇出過聲」。
