日本人稱香港係鄉下 力數深圳3大優點勝香港
1.無人商店
這位日本人拍下咖啡店和便利店，指內地有不同的無人商店，就像無人咖啡店，付款後就有機器製作咖啡予顧客。
2.電子支付發達
這位日本人又指內地的二維碼（QR Code）支付發達，無需使用現金或信用卡，使用Alipay HK就可以完成所有支付，十分方便快捷。
3.內地人說話溫柔，香港人常黑面
雖然內地科技發達，但英語教育上就未有跟上，這位日本人就指在深圳基本上無法用英文溝通，但就認為內地服務業人員說話都比很溫柔，不像香港人經常「黑面」，對顧客只會說「沒有」、「不行」、「不知道」。更指「每月一次，不是，是好想每星期都去深圳！」
香港的連登討論區上就這位日本人所發布的限時動態反應激烈，力撐香港「大陸講硬件就得，仲要新起嘅，軟件收皮啦，仲有舊嘅唔興定期維修，講經咩」、「香港人用支付寶/wechatpay都勁麻煩，海外人士又點搞」、「其實大陸硬件都係得深圳/上海/北京呢幾個一線城市得，你去其他二線城市，已經好似穿越左去90年代咁，三四線城市更加唔洗講，完全無發展過咁」。
亦有不少網友懷疑根本該限時動態就不是由日本人所發布：「用日文就係日本人？」、「真日本人一定唔會覺得香港個付款模式有咩問題」、「只有大陸咁扭曲乜鳩野都係要掃QR code，用埋啲20年前科技仲要冠上自己先進嘅名號」、「中國人日文出post?」、「好似換咗種語言嘅小紅書用戶咁，日本啲香港迷不嬲主打係鍾意九龍城寨，唐樓，舊式茶餐廳果啲舊野，同埋觀察香港人生活」
不過亦有不少網友認同深圳發展的確比香港好：「去過深圳嘅都會認同」、「唔出奇，日本人去香港行油尖旺應該覺得好Up dup，朗豪坊、Times Square呢啲所謂地標殘到」、「深圳福田區真係好新淨，好靚，但一去其他地方羅湖個啲又臭又污糟」、「所以哩啲嘢係觀點同角度，倫敦地鐵站百幾年直頭係古蹟嚟，但都有啲人會話落後，深圳由80年代開始發展到今日，歷史比北上廣港都要短，香港地鐵有啲線都成40年，幾年前柴灣站葵興站仲係無冷氣，比較下深圳好多基建都確實係全球城市屬於最前最新嗰堆，可以一戰既，可能得杜拜，多哈之類新城市」。
