港男遊日食蒸魚批中伏 因一樣嘢致失敗：下次唔會再嗌
港男日前於Facebook群組「香港街市魚海類海鮮研究社」分享個人在日本食海鮮的經歷，他特地提早在東京銀座5星級酒店訂座食中菜，打算一試日本人做中菜的手勢，但他品嘗過後就指：「下次唔蒸魚啦」。
港男提早訂位食中菜
港男預訂到銀座一家5星級酒店食中菜，事先在電郵中向酒店查詢廚師有沒有做粵菜的經驗，酒店就表示每日約有2 、3 枱食客點蒸魚，加上酒店距離舊築地只有短短15分鐘的步距，所以食材保證新鮮。
蒸魚的敗筆在於薑絲豉油
當日上菜後女職員用純熟的手勢分魚，港男後品嘗就指：「雖然有板有眼，但是可惜過火，豉油味道失敗，太多薑絲失敗，最後結論全世界只有香港才可以品嘗到清蒸魚的精髓」； 港男沒有透露價格，但指「只可以話物非所值」。
網民： 下次去日本食埋鹹魚蒸肉餅
不少網民看到事主在日本食廣東菜就笑指：「下次去日本試鹹魚蒸肉餅」、「印度人做水煮魚，四川人做咖哩雞，你估會做得好嗎？」、「應該要食東星刺身」、「去日本都係食返日本菜啦」、「一睇就知蒸過龍」；又有網民分享：「日本啲中華料理，貴嗰啲真係好好食，食過一次真係蒸魚個底到有蔥白墊高條魚」等。
