打工仔去旅行 拒絕幫皇馬褂同事代購慘被針對
早前，有網民在討論區中以「去旅行點解要幫你代購？」內文中不解表示，現時上網如此方便，就算有些產品香港沒有售賣，要找代購亦是件簡單的事，因此他嬲爆說到：「點X解因為幫你慳嗰十蚊，我要浪費自己行李空間？點解同你講冇行李空間，要唱X我窮人無錢買大行李？點解我要因為你，喺公司請假都唔敢提去旅行？」
而事主透露因為這次的事件，決定辭職唔做：「我決定唔做，因為你係皇親國戚，唔幫你代購就畀你針對，老子交信嗰時講明係因為你，我要你唔畀人炒都要受吓，知唔知平時啲客幾X煩，幾花時間先叫做合作到，你條X街做埋我嗰份啦！」
網民恥笑樓主「EQ低」：冇人叫你去旅行四圍講
事主的經歷引起不少網民迴響，不過網民並非安慰對方，反而恥笑樓主表示：「冇人叫你去旅行四圍講」、「去到咪話冇得賣、搵唔到、唔經，咪得囉！EQ會唔會低左啲？」、「講到明港幣找數，一律連稅10算，円找數，連稅不設找贖，啱就啱，覺得貴就算數。自此冇人搵我去幫手買嘢」、「有同事臨去旅行前係咁問人有冇嘢要買，有幾個同事都托佢買嘢，返到來個同事話『好多謝大家支持呀！畀我賺返少少水腳』，原來佢計返代購價，啲同事都唯有照畀返，但之後都冇托佢買」、「駛乜理人講乜，唱你窮就真係窮咩，就算窮又點，你自己辭職就真係onX仔」。
網民發分享旅行慘變人肉代購：嬲到我要絕交
此外，亦有不少港人身同感受，分享自己被要求做代購的經歷：「去日本畀朋友叫幫手買波鞋，唔畀掉盒，行李又、冇位塞，之後要hand carry拎返嚟」、「以前都遇過呢種人，當下已經拒絕話未必經，仲要反駁話『實經嘅！』，我就梗係冇買！」、「我試過仲要幫人哋女朋友買，以為係手信，點知愈買愈多，已經唔對路，點知佢係代購賣出去，嬲到我要絕交」、「去到仲要幫佢搵，搵到WhatsApp 佢，仲要唔覆你，到佢覆你啦，仲要影一大堆相比佢等佢慢慢揀，到佢揀到又嫌太貴」、「記得以前我做第一份工，草左啲錢去旅行，有個同事知道，話整個list比我幫佢買野，我話我去旅行，唔係幫大家做代購，我得hand carry，唔好意思，幫唔到大家」。
