撰文：SY｜圖片來源：FB@Hispitality、YouTube@TVB (official)
有店員在Facebook專頁「西店Hi客之道 Hispitality Secret」投稿，指自己在接近收工時遇到麻煩客人。事主上班的店舖通常晚上十點關門，某一日晚上9點59分時，店舖已經關音樂關燈，全部員工都準備收工。準備離開之際，突然收到一名客人電話：「附近趕緊過嚟，住得好遠，又好想買鋪頭啲嘢，可唔可以等埋。」好心的事主和同事們就破例，決定等一等客人才收工。
直到晚上10時10分，他們見到客人慢慢走過來再慢慢挑選：「挑選完又問下問題，問完問題又猶豫下，猶豫完又問下有問其他款，問完又問有冇平啲嘅，問完有問平啲嘅又影相比朋友參考，參考完又再諗下，諗完之後又問唔同價錢有咩分別，聽完之後又等下朋友覆」。
正當該客人在付款時，竟發現身上沒有現金，而Payme又突然用不到。該客人決定打給朋友求助，但朋友又不聽電話。客人於是提議到提款機提款，事主指：「我哋就問佢銀行要行好耐，出面又落雨佢驚唔驚遠。（潛台詞係：你都係下次先買）。」但客人好好堅決，指自己不怕遠，叫大家等一等她。
當等了45分鐘時，事主曾打電話給客人，但客人沒有接電話。事主指：「其實半個鐘嗰陣已經覺得唔對路，但條路確實遠，又諗緊佢會唔會係唔識路。」事主不停打電話，在15分鐘後，該客人接電話指臨時屋企有急事所以離開了：「我返到屋企啦，唔使擔心我。」聽到這裡事主指：「呢句話佢係用咩嘅心情同心境先講得出口」。
網民看完事主的故事指：「對別人仁慈，即係對自己殘忍。好心無好報」、「歷史教我們不要做好人～好人永遠只會被欺負」、「做左幾十年人，最後得出的結果係：做得好人就預左畀人搵笨，畀人搵咗笨就唔好怨」。
更有人指吐糟事主一開始就做錯，不應等該客人「由等佢嗰一刻已錯咗」、「擺明得罪人比人玩啦」、「自己申請畀人玩嘅」、「報上來話畀大家知自己蠢？」
不少同行就提醒下次遇同樣事件，要如何應對：「下次要醒啲呀！臨收工前所有電話都唔好聽」、「Blacklist啦，下次玩通宵」、「21:59應該話，我都住得好遠，屋企都有急事等我收工」、「所以呢個時間我係唔會聽電話，聽親都冇好嘢」、「真正買嘅人2分鐘會搞掂俾埋錢走人」。
