撰文：SY｜資料來源：香港討論區｜圖片來源：香港討論區、《愛．回家之開心速遞》
不少人都會聘請「工人姐姐」幫輕家中的家務，而最近有一網民就在香港討論區出Post指自己的工人姐姐做事很不小心！事情是咁的，事主的工人姐姐記性不太好，所以事主都會把她要做的事寫在白板或紙仔上，讓工人可以跟住做。
事主的老爺要入醫院做小手術，事主叫工人姐姐將老爺的假牙送到醫院，事先已經準備好地圖、名稱及病房電話等，但之後就出事了！事主突然收到工人姐姐的電話，工人姐姐竟然大哭指：「sir pass away」，聽到老爺「走咗」嚇到事主差點撞車。
最後事主發現，原來工人姐姐把寫有病房號碼的紙張弄不見了，本身要去B5病房就走錯了去D5病房，而剛好有一位剛去世的病人跟老爺同姓。事件令家人哭笑不得：「我老公笑到標眼水」，更令網民很煩惱，工人姐姐如此大意，不知如何是好！
不少網民就提出建議：「佢有帶電話已經好好, send埋落wtsapp留底」、「工人姐姐職業再培訓，首要任務收好你比佢嘅紙仔」、「言語不通係難搞啲，一係請個識中英文的，嗰啲就會好叻，叻過頭可能你又會唔鍾意」。
不過都有網民指要體諒：「佢聰明就唔使做家傭啦，就算請第二個都唔會聰明啲㗎。只要手腳乾淨，肯做就係好家傭」、「人無事最好」、「佢喊晒口，其實都係好人一個」、「只要人品好就得，小毛病還是可以原諒嘅」。
