打工仔收新工Offer即遞信 上司聞言即稱「原本打算升你」
不少打工仔在收到新工Offer後，都會盡快遞信向舊公司辭職，以免在未夠一個月通知的情況下趕唔切到新公司入職。日前，一位打工仔就正正在收到Offer後即時遞辭職信，惟他的上司在收到請辭後不但未有接收，更對他說「嚟緊準備升你」，現時未能確認只因「等緊HR確認」，期望打工仔能因此收回辭職決定。
心思思該去或留？ 發文求助：口頭承諾計唔計？
電影、電視劇就經常講「口頭承諾都係承諾」，惟事主卻未能判斷上司所謂的「升職」是否真的能夠屬實，更直指「個人感覺佢係吹緊水」，只因他指出公司「好缺人做嘢」，而且上司未有要他「入房傾計」，而是隨便說出「會升你」，令他感覺「唔可信」。雖然疑點重重，奈何因為在原公司升職的話，「人工高過其他公司」，所以事主只好發文求助，詢問網民到底「口頭承諾計唔計」。
網民群嘲事主太天真：小學生咩講吓就信
事主的發文一出，引來不少網民熱烈討論，而網民的看法均「一面倒」，幾乎全部人均認為事主的上司是「亂咁噏當秘笈」，更群嘲事主「太天真」、「小學生咩講下就信」。又指相信與否視乎上司「平時份人係點」、「就算真係升，要脅辭職先升通常最尾都不歡而散」，亦有網民教路要問清楚上司「要等幾耐」，若然時限太長（例如半年）即代表「亂噏」，建議事主「即走」。
原文刊於：《新假期》