快餐店煲仔飯突然著火 燒黑餐盒港女崩潰：應該去邊投訴？
凍冰冰食煲仔飯固然暖入心，但大家又有否想過食煲仔飯都隨時遇上意外？近日一名女生在社交平台分享「煲仔飯自焚」事件，指同事在荃灣一商場快餐店內買了一個「連煲上」的外賣煲仔飯，拿上手時仍然熱騰騰，誰知回程路上煲仔飯竟突然離奇自焚，從相中可見原煲煲仔飯放在快餐店外賣紙盒中，而紙盒已燒到半個化為灰燼。帖主更指當時朋友感到意外，當刻手足無措，幸好有途人幫忙淋熄火。雖然最後「人無事」，但是次意外嚇窒事主及朋友，更問及網民意見，指「應該打去邊投訴？」。
全靠好心鄰居幫手救火 涉事快餐店終賠餐飲劵
事主指意外發生時，好友一家均嚇到「唔識反應」，只因未曾想過外賣的飯盒會無故著火，幸得好心鄰居即時出手相助，用水幫忙救火。事主又指當時屋苑保安亦在場，見證事件發生的他同樣難以置信，更慨嘆是「萬中無一事件」，「無諗到食個飯都着火，叫佢買個冷麵返屋企食算數」。而根據帖文者指，相關餐廳經過一晚後終聯絡事主道歉，並指會作出賠償500元餐飲劵。不過一眾網民得知$500是餐飲劵後紛指「得啖笑」，稱「仲要繼續食你真係多謝晒」、「下次再買多次睇吓會唔會成個盒燒晒」。
網民笑稱火焰煲仔飯夠鑊氣 快餐店解釋：而全面優化
意外引起大批網民關注，有網民坦言事件恐怖，「以後唔敢外賣煲仔飯」、「燒到咁好易燒親人」，亦有網民苦中作樂，笑稱這間快餐店的煲仔飯果然「夠鑊氣」、稱得上「火焰煲仔飯」，更有留言指事主「太Hot，Hot到燒著煲飯」確實「無計」，令事主哭笑不得。而涉事快餐店回應指「煲底過熱加上天氣異常乾燥，紙盒因而燃燒所致」，更指「今日起即時優化及更新包裝流程，煲底降溫才放入紙盒」。
有人質疑事主為搏眼球誇大事實 鄰居一句KO
有網民卻質疑事件的真偽，只因發文的事主在社交平台上有近6萬名追隨者，疑似是KOL，網民就表示「其實事主係KOL」、「可信性大家自行判斷」。惟其他網民即時幫手反擊，力撐事主其實已經「有圖有真相」，亦未有誇大或惡意估計事件發生的原因。事主亦公開否認自己是KOL，而疑似是當事在場有份幫忙的鄰居亦留言指「我仲有相喎」、「管理員有入鏡的」，令發出質疑的網民即時無聲出。
