香港新冠肺炎大爆發,疫情十分嚴峻,人心惶惶,政府在2月25日公布,自行以快速檢測套裝測試呈陽性結果,都可以被視為新冠肺炎確診個案,市民可自行呈報到即將開始使用的網上平台。早前,有位香港人妻在討論區上發文,稱近兩日3次快速測試的結果都是陽性,不過仍被丈夫繼續要求她出席老爺的喪禮,網民議論紛紛。
快速測試3次陽性 老公當無到
人妻在討論區上發文:「我兩日做咗3次快速測試都係陽性,但老公話我嗰2款牌子唔係歐盟認可,所以我無確診。」丈夫還堅持人妻一定要出席老爺喪禮,人妻在網上狠批丈夫自私:「講極唔聽,佢唔顧自己屋企個十幾人,有老人家同小朋友,都諗下一齊搭小巴火車嘅乘客,我病徵明顯,睇咗政府診所,但未有政府樽仔結果,買快測2款唔同牌子都陽性。」她又向求教網民:「請問而家快測陽性係咪全部都當確診?定有分牌子?確診出街應該係犯法?咁密切接觸者呢?」
網民建議缺席以親人健康為重
有網民批直斥丈夫自私,建議人妻從速購買歐盟認可的快速測試包,說服丈夫,「為咗保護其他人,咪買隻歐盟認可的做測試,仲有其他親戚知妳陽性仲出席,有乜事就怨妳一世」、「唔使拗,聽日買幾款歐盟認證嘅快測,睇吓佢仲係咪咁堅持」、「佢想全個家族一鑊熟?有無腦㗎?」。
不過亦有人認為,可以將快速檢測結果直接通知其他親人群組,便可以向丈夫施加群眾壓力,「親友Group 即刻Whatsapp 妳支檢測棒!」、「係咪傻㗎,出街播毒咩!一定唔去,話畀親戚知,冇人敢畀妳去」。網民們亦都安慰人妻,「唔係話冇孝心,但真係唔好出去啦」、「明白妳老公嘅,始終係件大事,但你又真係確診,一定唔可以出街,到時害咗人,有咩事,就成世唔安樂」。
Tags :
網絡熱話
圖片來源:親子王國討論區截圖、FB@麻利 malisheep、TVB《愛回家之開心速遞》截圖、香港特別行政區政府同心抗疫網站圖片