1. 啤啤夫 — 形容飲醉時的情況
形容人歪三倒四，就像喝醉了一樣，通常在他人飲醉時，形容對方「醉到啤啤夫」。
2. 危危乎
危危乎指「危機四伏」、「很危險的樣子」，例如形容舊樓「望落危危乎，隨時冧落黎」。
3. 嗱嗱臨
形容動作「趕快」的意思，例如：「嗱嗱臨拎杯水比我飲！」
4. 也也烏
形容做事得過且過、馬馬虎虎，例如：「佢份人也也烏咁，升職都無佢份啦。」
5. 㷫烚烚
通常形容火熱的感覺，例如用於形容天氣好炎熱，或人慾火焚身時的感覺，亦可形容人十分生氣時的表現。例如：「香港夏天真係熱到㷫烚烚！」，「我比個仔激到㷫烚烚」。
6. 騰騰震
表示冷或受驚嚇後，人的身體作出顫抖的動作，表示害怕。例如：「最近的天氣冷得我騰騰震。」
7. 甜椰椰
形容食物味道太甜，難以入口，例如：「我唔中意食埋啲甜椰椰嘅野！」
8. 傻更更
形容人蠢和天然呆的意思，例如：「佢望落傻更更咁！」
9. 暖笠笠
形容天氣或環境溫暖，例如：「冬天嘅被窩真係暖笠笠，好舒服。」
10. 側側膊
形容人蒙混過關、推卸責任，例如：「佢成日側側膊，咩都唔做！」
11. 脆卜卜
一般形容食物脆口，也有用來形容年輕女子的意思，例如：「表妹十八歲，卜卜脆。」
網民：廣東話真係好有趣
不少人看到這帖文後均指「呢啲係得廣東話先可以咁傳神」、「有咩地方嘅語言可以咁多變化，仲要講出嚟唔難聽」、「廣東話真係好有趣」、「呢啲先能夠精準表達意思」、「00後的我除了也也烏都」、「現在呢代被迫學煲冬瓜，上網課，邊有機會講廣東話」，除了以上11個，有人更留言指「牙擦擦、吊吊揈、爛噠噠」等都非常好用。