大量人流致塞車 行車時間特長
有網民15日晚上於社交平台「公務員secrets」公開兩段長約一分鐘的錄音，聲稱內容是由大嶼山巴士司機夾雜清脆利落的粗口說出：「1號車行咗11個字，X你老X，唔實施人流管制唔X掂，成10萬人呀，入嚟大嶼山，通馬路都係人，單車都有百幾架，唉！無得搞呀，死得呀，1號車都成3車客，點搞呀喂。」又鬧爆指「無得搞呀，死得呀，又冇人理。」
錄音傳送門
紅的為搶生意違例闖禁區 警察追截交通混亂
於另一段錄音司機其後表示，長沙一帶的交通更是嚴重擠塞，着其他同行小心，又指有市區的士違規闖入大嶼山禁區，因而有警方阻截，並形容現時交通情況猶如「以前深圳返落嚟香港過年咁」，不禁直言「（大嶼山）封關啦，唔X掂呀大嶼山，陸沉啦」，整段錄音充滿著對現場交通的困境的怨氣。
大讚司機粗口正宗順耳 呼籲非居民要有同理心
錄音即引來網民熱烈討論，有人「錯重點」大讚司機的粗口，「聽得好舒服，正宗廣東話粗口，而唔係「厚多士」個啲發音」、「字唔多來來去去都係個幾個字，但畫面豐富有力」；甚至有人「認真覺得廣東話粗口應該入非物質文化遺產保護，中小大學必修科」，又指「大嶼山人表示每逢假日唔出街是常識」、「大部分本地居民都係受害人，外人難以身同感受，畀啲同理心啦！」另外，有自稱是東涌人的網民表示「其實一直週末都係咁，東涌人表示週末唔會落街或者去大嶼山！」、「東薈城同纜車站頂死晒！」
