僱主出國工作8個月 工人姐姐擅自收養唐貓
這個好心的工人姐姐有天在街上執到隻唐貓，便把牠帶回家照顧。不過由於僱主一直在外國工作，所以被蒙在鼓裡，直至8個月後返港回家才發現真相。
被僱主即時解僱 工人姐姐決定回菲律賓
僱主不滿工人姐姐自把自為帶貓貓回家，便將她即時解僱，工人姐姐唯有委託貓義工尋找有心人領養貓貓。
幸運地，很快貓義工便貼出好消息，指貓貓已被人領養，並一切安好，而工人姐姐最後決定回菲律賓。
網民分兩派：工人姐姐自把自為VS僱主冇人情味
事件引來網民熱議，網民紛紛大讚工人姐姐有愛心，更表揚姐姐把貓貓照顧得很好，「貓貓好得意，可以睇到姐姐照顧得貓咪好好」、「工人姐姐照顧得貓貓好好咁，好靚仔」。對於姐姐被炒魷魚，網民都感到可惜，「好難得有姐姐咁有愛心又鍾意貓貓，咁都唔識珍惜」。不少人都表示有意聘請工人姐姐，「如果唔係已經請咗新工人我都想請佢」、「我想請個工人姐姐，我屋企有好多貓咪可以俾你照顧」。大家更祝福姐姐回到菲律賓後能一生平安、幸福快樂。
網民：「 打工梗係要問咗老闆先啦！」
一部分網民狠批僱主為人涼薄，沒有人情味，「唔鐘意貓叫佢送走囉，又唔洗炒嘅」、「有必要立即解僱嗎？」。不過亦有網民為僱主平反，指的確是工人姐姐有錯在先，「工人的確無問準僱主才養」、「 打工梗係要問咗老闆先啦！」、「工人係唔應該未經僱主批准就帶隻貓返屋企，始終間屋又唔係佢嘅」、「點都要問過先吧？！何況，有愛心執到，那時就最好交俾貓義工。始終要衡量自己當時環境狀況，冇條件養就唔好夾硬。愛，不一定要擁有。就如，若佢返回自己國家，又肯定會帶貓走嗎？何況，唔係到到地方都俾寵物移民的。」
網民更將矛頭指向工人姐姐，狠批她自作主張、自把自為，亦沒有僱重過僱主，「僱主唔鍾意貓唔代表涼薄，而家係個工人無尊重個僱主。」、「我帶隻貓回家都要同老公與阿仔商量，呢點係尊重」、「當咗『公司』係自己屋企？」
資料來源：Facebook群組@唐貓也是寶^^ Domestic Cats Rule、Facebook群組@天下貓貓領養及義工討論區
