工人姐姐博炒扮死
日前，有港人僱主於社交平台「外傭僱主必看新聞訊息」發文分享家中新聘請的工人姐姐奇怪行為，引起不少關心外傭表現的網民留意。
據事主所述，家庭剛聘請一位新入職的工人姐姐，誰不知當工人姐姐入屋工作兩星期後便提出辭職，雖然經過中介公司游說後，外傭最終願意留低，不過怪事便隨即發生。
事主表示，外傭姐姐「呢幾日一有不滿就瞓喺地下到唔郁，話好累」，更附上工人姐姐現場「𦧲地扮死唔郁」的相片。當事主要求外傭不要瞓在地上，「佢就坐係到唔郁」，其軟皮蛇對抗招數實在令樓事主相當無奈。
事主又提到，工人姐姐因信仰關係不吃豬肉，所以每餐都有煮不含豬肉的菜式，有菜有魚，但竟遭工人姐姐指控事主一家「唔畀嘢佢食」。
帖文結尾，事主透露這位工人姐姐「博炒」機會甚高，但對於一系列奇招行為感到無助，於是向一眾網民求救。
帖文留言區有同路人分享類似經歷：「我之前都試過瀨嘢，佢又係玩嘢扮暈，之後我call白車，救護員到咗，一見到就話『得啦，我地做開呢啲』，拍佢幾吓就攞枝插喉kit出嚟，姐姐即時起返身。」
網民點睇？
- 「我上次工人玩嘢 我拎左凳仔坐喺佢隔離玩電話，最後佢隔日走咗。」
- 「拍片影低佢唔舒服個樣，幫佢call白車。」
- 「即刻幫佢call 白車，懷疑佢有精神病，幫佢申請將白卡，然後再搵agent。」
- 「炒吧，眼寃，免得整個家也不開心，補信入境處。」
- 「做香港人好很慘，又要打工又要養家，分分鐘養埋人地個囡，點解香港人咁那可憐？」
- 「都唔明呢啲人過嚟香港做乜？」
- 「嘥氣啦，成日話自己拜神，咁虔誠仲成日講大話。」
- 「拍片報勞工處，咁樣可否即時解僱？」
- 「而家呢批好差，最叻叫人terminate。」
