港人買山姆超市護墊中伏　全部側埋一邊　網民：只防一邊側漏

日前於FB群組「山姆中伏分享Group」中，有港人分享於山姆超市購買女性衛生用品後，發現護墊全部側埋一邊，更指「用過咁多個牌子都未試過咁差」！

圖中護墊為意大利品牌organyc

圖片的護墊為意大利品牌organyc，其中一款有機棉折疊內褲襯墊，一盒有24片，盒底印有Made in Italy （意大利製造）的字眼，網上售價為港幣66元。 而於山姆超市的售價人民幣$59.4（約港幣65元）， 一盒有72片，平均每片平香港$1.85！

山姆超市中伏｜01 人氣必買烤雞亦被指伏

烤雞在超市內頗受歡迎，但有網民指：「聞落好香，但入口又乾又柴，仲要排隊搶」、「烤雞太難吃，成個雪櫃都係陣醃肉味」、「雞肉像麻繩」、「這輩子吃過的最難吃的雞」、「食多幾啖就有啲膩了」等。

山姆超市中伏｜02 電飯煲插咗電完全無反應

有網民買一個電飯煲，但因為換13A，三腳插，所以無得退貨。網民回應：「咁真係衰過淘寶，我淘過5個氣炸煱都無問題」、「用嚟做垃圾桶」、「攞嚟做擺設都唔錯」等。

山姆超市中伏｜03 鍋鏟5件套放一次入洗碗機就甩

亦有網民分享於山姆超市買了一套鍋鏟，但買了不到一周，最多用了3次，平日只放洗碗機洗，但開始甩。對此有網民指：「點止中伏簡直會中毒」 、「淘寶仲好過佢」、「買 ikea 好過」等。

網民：防左邊側漏設計你識條鐵咩

有網民指：「防左邊側漏設計你識條鐵咩」、「用夠兩塊 一塊反返轉，有無得諗」、「佢哋嘅設計應該淨係黐住左邊」、「唔係啩，你連護墊都大陸買」、「咁貼身嘅嘢我唔夠膽響大陸買」、「山姆咁多伏嘢，真係唔應該去」、「影相畀客服，應該可以退錢」 、「上海的山姆，好多嘢都唔合格」等。