網民選山姆超市10大中伏物品　1款蛋糕極似嘔吐物：加熱雪凍都唔好食!

山姆超市｜01 火鍋牛肉

有網民買了一份火鍋牛肉，但打開發現全是油脂，整塊牛望上去都是白雪雪一片，肉的部分只有不足1成。事主忍不住怒轟：「呢個就係山姆嘅火鍋牛肉，畀我地食牛油嗎？」

山姆超市｜02 港式楊枝甘露

有香港網民指：「楊枝甘露唔會再買，我覺得味道好怪」、「啲西柚好苦」、「似食yogurt，又杰又酸」、「試食完即刻放低」等。

山姆超市｜03  Yabon法式奶油蛋糕：有陣膠味

有網民試食過後指：「劣質巧克力醬生硬地裹上白米飯，是有塑料感的甜品」、「babyfood咁嘅樣，甜嘅粥」、「唔好食，唔會再買，我加大量牛奶，算食得下」、「呢個係勁難食！有陣膠味」、「嘔吐物的感覺」等。為了不浪費食物，網民建議放入雪櫃冰格，居然會有雪糕的絲絨香滑，勉強食得落口。

山姆超市｜04 麻糬波波又硬又甜

山姆超市的人氣麻糬波波亦是伏 ：「好硬又甜，食多幾個好膩」、「又乾又硬，麻糬不應該很Q彈嗎？吃完一個直接圓臉變方臉」、「份量大但保質期只有3日」等。同時亦有網民不同意，建議隔夜再食的時候，先放進微波爐加熱，馬上變美味！

山姆超市｜05 烤雞入口好柴

烤雞在超市內頗受歡迎，但有網民指：「聞落好香，但入口又乾又柴，仲要排隊搶」、「烤雞太難吃，成個雪櫃都係陣醃肉味」、「雞肉像麻繩」、「這輩子吃過的最難吃的雞」、「食多幾啖就有啲膩了」等。不過網民建議用氣炸鍋加熱，肉質嫩而且醃得好入味。

山姆超市｜06 鹽味紫菜：好油好咸

網民指鹽味紫菜好油：「鹹鹹的是好吃的，就是油！很油！非常油！」、「啲油多到滴落嚟」、「都想把油吸了再吃」等。

山姆超市｜07 熊貓蛋糕2層都唔好食

這款熊貓蛋糕由2個部份組成，上層是布丁，下層是蛋糕，加上熊貓造型吸引了不少人購買，但有消費者指：「上面一層所謂的布丁吃上去像乾掉的果凍」、「真的難吃，身邊朋友都說不好吃，送不出去」、「目前鎖在零食櫃最底層」 、「單吃下面蛋糕都不好吃」等。

山姆超市｜08 Organyc護墊

日前於FB群組「山姆中伏分享Group」中，有港人分享於山姆超市購買女性衛生用品後，發現護墊全部側埋一邊，更指「用過咁多個牌子都未試過咁差」！

山姆超市｜09 電飯煲插咗電完全無反應

有網民買一個電飯煲，但因為換13A，三腳插，所以無得退貨。網民回應：「咁真係衰過淘寶，我淘過5個氣炸煱都無問題」、「用嚟做垃圾桶」、「攞嚟做擺設都唔錯」等。

山姆超市｜10 鍋鏟5件套放一次入洗碗機就甩

亦有網民分享於山姆超市買了一套鍋鏟，但買了不到一周，最多用了3次，平日只放洗碗機洗，但開始甩。對此有網民指：「點止中伏簡直會中毒」 、「淘寶仲好過佢」、「買 ikea 好過」等。