港女投訴尖沙咀酒吧店員買1送1 埋單後發現中伏！
有女網民投訴自己早前於尖沙咀諾士佛台酒吧的不愉快經歷。事緣事主當時7點幾跟朋友經過，聽到門前的店員站在宣傳牌一旁招攬客人，更表示「全店Hoegaarden買一送一，今日都有做㗎！」。事主指自己見間酒吧沒有人「諗住平平地同朋友飲杯嘢」。
誰料埋單之際，看到帳單竟然是收回正價。從帳單中看到，事主柯打Nut及Hoegaarden Rose，而Hoegaarden一欄收了$136/2杯，不是如店員宣傳所說買1送1。事主當場跟經理理論，當時經理表示「你話我聽邊個講？我而家就X佢。」
食神經典認人畫面重現！
事主後來表示由於他們全店店員都帶上口罩，故事主直言「帶晒口罩點認得！」。誰知經理竟然叫全店店一字排開，跟事主稱「你認呀！佢哋企定定喺度畀你認」，想不到《食神》的經典瀨尿牛丸畫面竟然重現江湖。
最後事主建議經理不如看閉路電視，但經理卻表示「冇時間！我而家就報警！你哋唔好走！」，最後警察來到就跟事主指「如果你唔畀返收據上嘅錢，我就要拉你啦！」。事主最後忍不住把今次經歷放上網，更於文末寫道「$68真係唔係咩錢，亦唔係畀唔起，但咁樣呃人真係黑店」。
網民反撐餐廳 直言事主X客之中嘅極品！
帖文一後，立即引來其他網民關注，不少網民更反撐餐廳，指「其實個經理都算係咁啦！繁忙時間都仲叫晒啲夥計出嚟畀個客認」、「唔好玩啦！星期六22:50落單，點會有可能買一送一呀？」、「搞到要報警，大家不妨想像下個客當時幾惡搞到啲客走晒」、「就算同事講錯，幾十蚊杯啤酒咪照比囉」、「X客之一嘅極品」。
不過也有網民指該店於周末都照放宣傳牌出來是存心不良，更有人指「抵X死，間嘢服務態度好差」、「全場得佢呢枱客，無其他人就冇辦法唔昆你哋啦」。
餐廳事後即出抽水優惠！
餐廳事主立即於自己官方專頁出聲明，指「本店各大宣傳物品，包括檯面餐牌都清晰列明：生啤買一送一優寭，只會於星期日至星期四（九點前）運作，而公眾假期及假期前夕是例外沒有買一送一優惠。」，更指出店舖收費沒有違反任何商品說明條例，亦沒有作出任何欺騙或意圖欺騙顧客成份。
另外更就今次事件推出抽水買一送一優惠！
